Ymolchi a chael cawod

Mae llawer o blant yn ei chael hi'n anodd cael bath neu gawod.

Gall hyn ddigwydd am nifer o wahanol resymau.

Gall y syniadau isod helpu'ch plentyn i deimlo'n fwy cyfforddus, hyderus a hamddenol, a gwneud amser bath yn haws i bawb.

Pam y gall cael Bath neu Gawod fod yn anodd:

1. Sensitifrwydd Synhwyraidd

Gall eich plentyn fod yn sensitif i’r canlynol:

• Tymheredd y dŵr (rhy boeth neu'n rhy oer)
• Teimlad neu bwysau’r dŵr ar eu croen
• Sebonau, siampŵ, neu wlanenni/cadachau yn teimlo'n annifyr
• Synau, e.e. dŵr yn llifo neu sblasio
• Goleuadau llachar yn yr ystafell ymolchi
• Arogleuon cryf o nwyddau ymolchi neu gynnyrch glanhau

Awgrymiadau i wneud Bath a Chawod yn haws:

1. Cefnogwch anghenion synhwyraidd eich plentyn

Paratowch yr ystafell ymolchi fel ei bod yn dawel a bod dim byd yn annisgwyl.

• Goleuadau
  • Pylwch y goleuadau
  • Defnyddiwch ganhwyllau batri neu’r golau o'r cyntedd neu landin
• Sain
  • Chwaraewch gerddoriaeth sy’n tawelu’r plentyn neu sŵn gwyn
  • Defnyddiwch dywelion neu fatiau i dawelu atsain
• Tymheredd
  • Cadwch y dŵr ar y tymheredd sydd orau gan eich plentyn
  • Gwnewch yn siŵr bod yr aer yn yr ystafell ymolchi yn gynnes ac yn gyfforddus
• Cyffyrddiad
  • Gadewch i'ch plentyn ddewis sut i ymolchi (cadach, sbwng, maneg, loofah)
  • Cynigiwch wahanol fathau o sebon i weld beth mae'n ei hoffi
  • Dywedwch wrth eich plentyn beth rydych chi'n mynd i'w olchi a ble
  • Golchwch gan ddilyn y cyfeiriad mae’r gwallt yn tyfu iddo
  • Defnyddiwch dywelion y mae eich plentyn yn hoffi eu teimlad
  • Sychwch gyda phwysau cadarn, os yw hyn tawelu meddwl eich plentyn
• Arogl
  • Osgowch arogleuon cryf
  • Gadewch i'ch plentyn ddewis arogleuon ysgafn neu hoff arogleuon
• Ymwybyddiaeth o'r Corff (Gwaith Trwm)
  • Rhowch gynnig ar weithgareddau fel cario eitemau neu ddringo’r grisiau cyn ymolchi
  • Defnyddiwch bwysau cadarn wrth olchi os yw hyn yn tawelu’ch plentyn
  • Gadewch i'ch plentyn arllwys dŵr arno fe ei hun gan ddefnyddio jwg
• Lleoliad y Pen
  • Os yw pwyso'r pen am yn ôl yn anodd, rhowch gynnig ar:
    • Orwedd yn ôl yn y bath
    • Eistedd gyda rhywbeth i gefnogi’r cefn
    • Pwyso’r pen ymlaen

2. Lleihau Ofn a Phryder

• Dechreuwch yn Araf
  • Dechreuwch trwy olchi yn y sinc
  • Gadewch i'ch plentyn eistedd mewn bath gwag
  • Defnyddiwch gadach gwlyb cyn ychwanegu dŵr
  • Ychwanegwch fwy a mwy o ddŵr dros amser
• Defnyddio Amserydd
  • Dechreuwch trwy gael bath byr a chynyddwch yr amser yn araf
• Rhannu bath
  • Gall cael bath gyda rhiant neu frawd neu chwaer helpu rhai plant i deimlo'n fwy diogel
• Dilynwch drefn
  • Ceisiwch gael bath neu gawod ar yr un adeg bob tro
  • Defnyddiwch luniau neu amserlenni gweledol i ddangos pob cam
  • Defnyddiwch rywbeth gweledol i fesur amser
  • Paratowch dywelion, teganau, a dŵr yn gyntaf

3. Helpu'ch Plentyn i Deimlo Rheolaeth Dros y Sefyllfa

• Cynigiwch opsiynau (sebon, teganau, trefn ymolchi)
• Anogwch eich plentyn i ymolchi ac i sychu ei hun lle bo'n bosibl
• Defnyddiwch restr wirio gyda lluniau cam wrth gam
• Byddwch yn amyneddgar a pheidiwch â chynhyrfu

4. Ceisiwch Annog

• Ceisiwch wneud bath neu gawod yn rhan o’r drefn reolaidd
• Ychwanegwch hwyl gyda theganau, swigod, caneuon neu gerddoriaeth
• Gadewch i'ch plentyn olchi doliau neu deganau yn y bath
• Defnyddiwch wobrau syml os yw'n ddefnyddiol, megis:
  • Cerddoriaeth neu bodlediad
  • Siartiau gwobrwyo
  • Datganiadau "pan–yna" (e.e. Pan fyddi di’n lân, yna gawn ni chwarae)