Neidio i'r prif gynnwy

Llawysgrifen

Dyma ganllaw i'ch helpu i gefnogi'ch plentyn i wella ei lawysgrifen.

Cyn dechrau, sicrhewch fod eich plentyn yn eistedd yn gyfforddus:

  • Traed yn wastad ar y llawr
  • Bwrdd ar yr uchder cywir
  • Blaen y breichiau’n gorffwys ar y bwrdd

Gwnewch yn siŵr fod y papur wedi'i osod ar yr un ochr â'r llaw y mae eich plentyn yn ysgrifennu gyda hi.
Dylai'r llaw arall ddal y papur yn llonydd a symud i lawr wrth i'ch plentyn ysgrifennu.

Beth all fod yn anodd?

Mae ysgrifennu â llaw yn defnyddio llawer o sgiliau bach. Bydd ar y plentyn angen cyhyrau ysgwyddau a bol cryf, gafael da, a rheolaeth dda o'i arddwrn a'i law i ddal a symud y bensil neu feiro.

Edrychwch ar y daflen 'sgiliau echddygol manwl' i helpu i gryfhau llaw a bysedd eich plentyn.

Awgrymiadau ar gyfer gwella llawysgrifen:

1) Gosodwch Un Nod Eglur Ar Gyfer Llawysgrifen:

Yn aml, dydy plant ddim yn deall beth mae "ysgrifennu'n daclusach" yn ei olygu.

Mae angen cyfarwyddiadau clir arnyn nhw o ran beth i’w newid.

Dewiswch un nod ar y tro, sef y peth a fydd yn gwneud y gwahaniaeth mwyaf i ba mor ddealladwy yw’r llawysgrifen.

Enghreifftiau o nodau ar gyfer ysgrifennu â llaw:

  • Gwella’r broses o ffurfio llythrennau
  • Gofyn iddyn nhw ffurfio’r llythrennau tal (b, h, l) yn uwch
  • Gofyn iddyn nhw ffurfio llythrennau â chynffon (p, g, y) o dan y llinell
  • Sicrhau bod y llythrennau yr un maint
  • Gadael bylchau rhwng geiriau

2) Dylech Ymarfer am Gyfnodau Byr ond Rheolaidd:

  • Sesiynau byr sy’n gweithio orau yn amlach na pheidio
  • Os oes angen, cysylltwch yr ymarfer â gwobr

Strwythur Sesiwn Ymarfer:

  1. Cynhesu (2-3 munud)
    Gweithgareddau fel lliwio, drysfa, dot-i-ddot, neu batrymau pensil
  2. Ymarfer llawysgrifen (10-15 munud)
    • Ymarfer y llythrennau sy'n gysylltiedig â'r nod
    • Yna ymarferwch eiriau sy’n cynnwys y llythrennau hynny
  3. Defnyddiwch linellau dwbl i helpu i ddangos ble ddylai llythrennau fod
    (llythrennau tal yn mynd uwchben, cynffonnau'n mynd islaw)

Syniadau ar gyfer gweithgareddau i helpu:

Nid dim ond â phensil neu feiro y mae modd ymarfer llawysgrifen. Meddyliwch am adnoddau hwyliog eraill i ymarfer llythrennau. Gallai hyn gynnwys:

  • Defnyddio adnoddau synhwyraidd, e.e. ewyn neu dywod.
  • Peintio
  • Defnyddio dŵr a brwsh paent y tu allan.
  • Sialc ar y llawr y tu allan.

Gwefannau defnyddiol gydag adnoddau pellach:

Dilynwch ni: