Torri gwallt

Helpu eich plentyn i gael ei wallt wedi'i dorri

Mae'r canllaw hwn i helpu gwneud torri gwallt yn haws ac achosi llai o straen i’ch plentyn.

Mae rhai plant yn gweld bod torri gwallt yn anghyfforddus neu'n ofidus. Gall hyn fod oherwydd:

Ceisiwch ddod o hyd i driniwr gwallt sy'n deall anghenion synhwyraidd.
Os yn bosibl, torrwch wallt eich plentyn gartref, gan y gallai hyn deimlo'n fwy diogel.
Ewch yn araf ac adeiladwch i deimladau newydd.
Rhowch gynnig ar ddewisiadau a defnyddiwch bethau i dynnu sylw eich plentyn neu bethau mae eich plentyn yn eu mwynhau.

Anogwch eich plentyn i symud ei gorff ymlaen llaw (er enghraifft, cerdded i’r lle trin gwallt).
Gadewch i'ch plentyn wisgo bag cefn bach â phwysau (fel un gyda photeli dŵr bach) i roi pwysau cadarn ar yr ysgwyddau.
Gallwch hefyd brynu capiau trin gwallt pwysol.
Rhowch massage pen cadarn i'ch plentyn cyn ac ar ôl torri'r gwallt, os yw’n hoffi hyn.
Os ydych chi'n defnyddio clipwyr, gadewch i'ch plentyn eu dal yn gyntaf i deimlo'r dirgryniad, neu defnyddiwch degan sy'n dirgrynu.
Dywedwch wrth eich plentyn pa offeryn fydd yn cael ei ddefnyddio nesaf (brwsh, siswrn, neu glipwyr).
Cynlluniwch weithgaredd hwyliog ar ôl yr apwyntiad fel bod ganddo rywbeth i edrych ymlaen ato.

Defnyddiwch amserydd gweledol i ddangos faint o amser y bydd pob rhan yn ei gymryd.
Defnyddiwch ddrych fel bod eich plentyn yn gallu gweld beth sy'n digwydd.
Caniatewch seibiannau symud os oes angen.
Defnyddiwch bethau i dynnu sylw eich plentyn (tabled, tegan, fideo).
Defnyddiwch glustffonau gyda cherddoriaeth mae’n ei hoffi neu i leihau sŵn.

Gall salonau gwallt fod yn brysur ac yn swnllyd. Ceisiwch:

Mynd ar adeg dawel o’r dydd.
Gofyn i'r triniwr gwallt a oes modd iddo:
- Gostwng y goleuadau
- Diffodd cerddoriaeth gefndir
- Osgoi defnyddio sychwr gwallt