Eich Adferiad Ar ôl Bod yn yr Ysbyty ar gyfer Oedolion Hŷn

Dull Cartref yn Gyntaf 

Dim ond pan fo angen clinigol na ellir ei ddiwallu yn yr ysbyty y dylai pobl aros yn yr ysbyty, a dylai'r person ddychwelyd adref, neu i leoliad cymunedol priodol, cyn gynted â phosibl.  

Mae'n annhebygol y bydd gohirio rhyddhau o'r ysbyty yn gwella galluoedd corfforol neu feddyliol. Mewn gwirionedd gall waethygu canlyniadau, ac mae'n methu â chydnabod y gall pobl barhau â'u hadferiad gartref. Mae hyn yn arbennig o bwysig i bobl hŷn, a all ddod yn fwy datgyflyredig a dibynnol ar eraill o ganlyniad i arhosiad yn yr ysbyty. 

Dylai pawb gael eu cefnogi i wella yn eu cartref eu hunain neu yn eu cymuned. Bydd y cyngor a'r adnoddau yn y llyfryn hwn yn helpu i gefnogi eich adferiad parhaus ar ôl i chi adael yr ysbyty.  

- Polisi Rhyddhau Integredig CTM 2024