Rheoli blinder

Yma cewch awgrymiadau syml i helpu plant i ddeall a rheoli blinder.

Mae plant yn defnyddio egni trwy'r dydd.

Mae hyn yn cynnwys pan fyddan nhw’n gwisgo, bwyta, golchi, chwarae, dysgu yn yr ysgol, a threulio amser gydag eraill.

Mae lludded yn golygu teimlo'n flinedig iawn, yn brin o egni, neu wedi ymlâdd.

Gall effeithio ar sawl rhan o fywyd plentyn neu berson ifanc, yn ogystal ag ar eu teulu.

Gall lludded newid faint o egni sydd gan blentyn ar gyfer:

Beth All Fod yn Anodd?

Gall lludded effeithio ar:

Gall hefyd effeithio ar gydbwysedd a sut mae'r corff yn gweithio.

Os nad yw plentyn yn deall pam mae’n teimlo'n flinedig, gallai fod yn rhwystredig iddo.

Gall blinder wneud dysgu a gwaith ysgol yn anoddach.

Ceisiwch gynllunio ymlaen llaw er mwyn i chi wybod sut ddiwrnod neu wythnos sydd o’ch blaenau.
Cadwch at drefn reolaidd (deffro, bwyta prydau bwyd, a mynd i'r gwely ar yr un adegau).
Gwasgarwch weithgareddau dros amser yn hytrach na gwneud llawer i gyd ar unwaith.
Cadwch bethau pwysig gerllaw i osgoi gwastraffu egni yn chwilio amdanyn nhw.
Cymysgwch weithgareddau prysur gyda rhai tawel (egnïol → gorffwys → egnïol).
Cymerwch seibiant yn aml, nid dim ond pan fyddwch chi wedi blino’n lân.
Yn ystod seibiant, newidiwch eich osgo - ymestyn, sefyll, neu orffwys eich llygaid.
Ewch ar eich cyflymder eich hun. Mae rhuthro yn defnyddio mwy o egni.
Defnyddiwch ddyddiadur neu gynllunydd i sylwi pryd fydd gennych fwy neu lai o egni.
Gwnewch dasgau anoddach ar wahanol ddiwrnodau, gydag amser gorffwys rhyngddyn nhw.

Byddwch yn garedig â chi'ch hun - does dim angen i chi wneud popeth mewn un diwrnod.
Dewiswch gymysgedd o bethau y mae angen i chi eu gwneud a phethau rydych chi'n eu mwynhau.
Gofynnwch am help pan fydd ei angen arnoch, neu gadewch i rywun arall helpu.
Sylwch pa weithgareddau sy'n gwneud i chi deimlo'n hapusach neu'n rhoi egni i chi.

Cadwch eich egni ar gyfer y pethau sydd bwysicaf i chi.