Neidio i'r prif gynnwy

Gwasanaeth Awtistiaeth Integredig

Mae'r Gwasanaeth Awtistiaeth Integredig (IAS) yn wasanaeth arbenigol, aml-broffesiynol sy'n cefnogi oedolion awtistig, eu teuluoedd a'u gofalwyr, a gweithwyr proffesiynol sy'n gweithio gydag oedolion awtistig ledled Rhondda Cynon Taf, Merthyr Tudful a Phen-y-bont ar Ogwr. Mae'r tîm yn cynnwys;

  • Arweinydd Tîm
  • Seicolegydd Clinigol
  • Therapydd Galwedigaethol
  • Therapydd Iaith a Lleferydd
  • Ymarferwyr Arbenigol Anhwylderau ar y Sbectrwm Awtistig (ASD)
  • Gweithiwr Cymdeithasol
  • Gweithwyr Cymorth Cymunedol
  • Gweinyddwr

Sut Gallwn Ni Helpu

Oedolion sy'n meddwl y gallen nhw fod ag awtistiaeth

Gall oedolion 18 oed a throsodd ofyn am asesiad diagnostig ar gyfer awtistiaeth (gellir derbyn atgyfeiriadau o 17 oed a 9 mis oed).

Oedolion Awtistig

Gall oedolion awtistig sydd wedi cael diagnosis ffurfiol gael mynediad at amrywiaeth o opsiynau cymorth ar ôl diagnosis, gan gynnwys:

  • Cwrs ôl-ddiagnostig i gefnogi dealltwriaeth o awtistiaeth, neu gwrs cyfathrebu a rhyngweithio ag eraill
  • Ymgynghoriadau cychwynnol i archwilio anghenion cyfredol a nodi cefnogaeth briodol
  • Sesiynau cyngor dros y ffôn wedi'u trefnu ymlaen llaw sy'n cynnig arweiniad a chyfeirio at wasanaethau eraill
Teuluoedd a Gofalwyr

Gall teuluoedd a gofalwyr oedolion awtistig gael mynediad at:

  • Cymorth ac arweiniad drwy gwrs cefnogwyr
  • Sesiwn gyngor dros y ffôn yn cynnig gwybodaeth a chyngor, neu'n cyfeirio at wasanaethau eraill am gymorth ychwanegol
Gweithwyr Proffesiynol a Gwasanaethau

Gall gweithwyr proffesiynol sy'n gweithio gydag oedolion awtistig gysylltu â'r Gwasanaeth Awtistiaeth Integredig am:

  • Ymgynghoriad, cyngor ac arweiniad
  • Cymorth i ddiwallu anghenion unigolion awtistig yn well
  • Cyfeirio at wasanaethau ac adnoddau perthnasol

Cymorth sydd ar gael

Mae'r IAS yn cynnig cefnogaeth unigol a chyrsiau strwythuredig. Mae’r rhain yn cynnwys:

  • Cwrs Cymorth Ôl-ddiagnostig (PDS) - Cefnogi oedolion awtistig a’u cefnogwyr i ddatblygu dealltwriaeth ddyfnach o awtistiaeth, gan gynnwys cryfderau, profiadau ac anghenion cymorth
  • Cwrs Cyfathrebu a Rhyngweithio ag Eraill (CIWO) - Cefnogi oedolion awtistig i archwilio cyfathrebu a rhyngweithio cymdeithasol mewn ffyrdd sy'n ystyrlon iddyn nhw.
  • Ymgynghoriadau cychwynnol - I drafod anghenion cyfredol a nodi opsiynau cymorth priodol ar gyfer oedolion sydd wedi cael diagnosis o awtistiaeth
  • Sesiynau cyngor dros y ffôn - Apwyntiadau wedi’u trefnu ymlaen llaw sy’n darparu cyngor a chyfeirio at wybodaeth

Pwy All Ddefnyddio'r Gwasanaeth Hwn

Mae'r IAS ar gael i:

  • Oedolion sydd am ofyn am asesiad ar gyfer awtistiaeth
  • Oedolion awtistig sy’n chwilio am gymorth
  • Teuluoedd a gofalwyr oedolion awtistig
  • Gweithwyr proffesiynol sy'n gweithio gydag oedolion awtistig

Beth nad ydym yn ei ddarparu

Mae'r IAS yn canolbwyntio ar asesu a chymorth tymor byr. Dydy’r gwasanaeth ddim yn cynnig:

  • Gwaith uniongyrchol â phlant
  • Gofal hirdymor neu reoli gofal
  • Triniaeth ar gyfer cyflyrau iechyd meddwl
  • Cymorth brys, argyfwng, neu ymateb cyflym

Manylion Cyswllt

Y Gwasanaeth Awtistiaeth Integredig (IAS)
Ysbyty George Thomas
Ffordd Cwmparc
Treorci
CF42 6YG

Phone: 01443 715044
Email: CTT_IAS@wales.nhs.uk
Oriau Agor: O ddydd Llun i ddydd Gwener, 9:00am – 5:00pm (Heb gynnwys Bwyliau Banc)

Dilynwch ni: