Rhybudd Tywydd Poeth

Mae cyfnodau hir o dywydd poeth eithafol yn golygu peryglon iechyd difrifol.

Gall amlygiad gormodol i dymheredd uchel ladd.

Mae’r rheiny sydd yn y perygl mwyaf yn cynnwys pobl hŷn, plant ifanc iawn a phobl sydd â chyflyrau meddygol sy’n bod yn barod.

Cyngor iechyd I’r cyhoedd

Arhoswch allan o'r gwres

Ceisiwch aros dan do, yn enwedig rhwng canol dydd a 3pm
Dylid osgoi gweithgareddau awyr agored egnïol fel chwaraeon, DIY neu arddio. Os na fydd hynny’n bosib, gwnewch hynny yn ystod adegau mwy claear o’r dydd
Defnyddiwch hylif gwrth-haul neu floc haul i helpu i atal llosg haul
Gorchuddiwch eich corff â chrys t neu ddillad llad eraill
Gwisgwch het i gysgodi eich pen a sbectol haul i amddiffyn eich llygaid

Ymoerwch

Yfwch ddigon o ddŵr, o leiaf wyth gwydraid y dydd. Dylid osgoi alcohol, te a choffi gan y gallan nhw eich dadhydradu
Cymrwch faddon neu gawod glaear, neu tasgwch eich wyneb â dŵr oer i ymoeri

Cadwch eich amgylchedd yn glaear

Diffoddwch oleuadau a chyfarpar trydanol sydd ddim yn hanfodol – maen nhw’n cynhyrchu gwres
Cadwch blanhigion tŷ a phowlenni o ddŵr yn y tŷ – mae anweddiad yn helpu i oeri’r aer
Os yn bosib, symudwch i ystafell oerach, yn enwedig i gysgu
Gall ffaniau trydan ddarparu peth rhyddhad, ond dylid eu defnyddio dim ond os oes angen
Arhoswch yn rhannau oeraf yr adeilad cymaint ag sydd bosib
Cadwch ystafelloedd yn gysgodol ac yn glaear drwy gau’r bleindiau a’r llenni ac agor ffenestri

Cadwch lygad ar eraill

Cadwch lygad ar bobl sydd ar eu pen eu hunain, yr oedrannus, y gwael neu’r ifanc iawn a gofalwch eu bod yn gallu cadw’n oer braf
Gofalwch nad yw babanod, plant neu bobl oedrannus yn cael eu gadael ar eu pen eu hunain mewn ceir sefydlog
Cadwch lygad ar gymdogion, teulu neu ffrindiau oedrannus neu wael bob dydd os yn bosib
Byddwch yn wyliadwrus a ffoniwch y doctor neu’r gwasanaethau cymdeithasol os bydd rhywun yn wael neu os bydd angen help pellach

Os oes gennych broblem iechyd

Cadwch feddyginiaethau dan 25°C neu yn yr oergell (darllenwch y cyfarwyddiadau storio ar y pecyn
Ceisiwch gyngor meddygol os byddwch yn dioddef cyflwr iechyd cronig/yn cymryd meddyginiaethau lluosog

Darllenwch fwy am gadw'n oer a gofalu amdanoch chi'ch hun ac eraill yn y tywydd poeth yma.