Pigiadau atgyfnerthu'r hydref - Ydych chi'n meddwl eich bod chi wedi cael eich colli?

Rydym wedi anfon ein holl apwyntiadau at bawb sy'n gymwys i gael pigiad atgyfnerthu’r hydref. Fodd bynnag, ydych chi'n meddwl ein bod ni wedi'ch colli chi?

Rydym yn parhau i fod yn ymrwymedig i beidio gadael neb ar ôl, felly os ydych chi’n teimlo eich bod yn perthyn i un o'r grwpiau cymwys ac nad ydych eto wedi derbyn apwyntiad, llenwch y ffurflen isod.

Cwpl o bethau cyn i chi wneud hynny:

• Os ydych yn perthyn i un o'r grwpiau blaenoriaeth ac nad ydym yn gwybod beth yw eich statws, er enghraifft os ydych yn feichiog, yn ofalwr di-dâl neu'n byw gyda rhywun sydd â system imiwnedd gwan, llenwch y ffurflen ar gyfer y grŵp perthnasol ar ein gwefan.
• Os nad ydych yn siŵr ym mha grŵp rydych chi ynddo, edrychwch ar ein gwiriwr cymhwysedd ar ein gwefan yma: Sut ydw i'n cael fy mhigiad atgyfnerthu ar gyfer yr hydref a pigiad ffliw? - Bwrdd Iechyd Prifysgol Cwm Taf Morgannwg (gig.wales)

I brosesu apwyntiad i chi, bydd angen i ni wybod ym mha grŵp rydych chi'n perthyn iddo.

Bydd aelod o'r tîm naill ai'n cysylltu â chi (e-bost neu dros y ffôn) neu'n anfon apwyntiad newydd atoch. Gadewch dri diwrnod i'r tîm weithredu ar eich cais a saith diwrnod i'ch llythyr apwyntiad gyrraedd.

Dylai fod cyfnod o 13 wythnos o leiaf rhwng cael brechlynnau COVID-19. Peidiwch â phoeni os ydych wedi cael brechlyn o fewn 13 wythnos, gall ein tîm drefnu apwyntiad i chi o hyd, ond byddan nhw’n sicrhau bod o leiaf 13 wythnos wedi mynd heibio.

Diolch.