Rydw i am ddechrau fy nhaith i fod yn fwy egnïol yn gorfforol

Sut i ddechrau arni?

Fel rydyn ni wedi nodi o'r blaen, mae gweithgarwch corfforol nid yn unig yn dda i'ch corff, mae hefyd yn dda i'ch meddwl.  Fodd bynnag, weithiau mae'n anodd cychwyn arni.  Mae rhwystrau cyffredin yn cynnwys profiadau negyddol blaenorol gydag ymarfer corff, diffyg amser neu gymhelliant, teimlo'n ansicr ble i ddechrau, ddim yn teimlo'n hyderus, neu gael swydd ddesg sy'n golygu ein bod yn eistedd am gyfnodau hir.

Dyma rai awgrymiadau da i'ch rhoi ar ben ffordd:

Dechreuwch yn Fach

Dewch o hyd i ffyrdd y gallwch chi gynnwys gweithgarwch corfforol yn eich diwrnod ac adeiladu o'r fan honno.
Mae enghreifftiau o sut y gellir gwneud hyn yn cynnwys:

• Sefwch yn hytrach nag eistedd pan allwch chi
• Ceisiwch fynd oddi ar y bws un arhosfan yn gynnar a cherddwch weddill y ffordd
• Parciwch ychydig ymhellach i ffwrdd nag y mae angen i chi.
• Ewch ar y grisiau yn lle'r lifft neu'r grisiau symudol
• Cerddwch yn lle gyrru
• Gwnewch ychydig o waith tŷ ysgafn neu arddio ysgafn

Dewch o hyd i rywbeth rydych chi'n ei fwynhau

Rydych chi'n fwy tebygol o gadw at rywbeth os ydych chi'n ei fwynhau. Am syniadau am weithgareddau, ewch i'n rhestr A-Y o weithgareddau.

Tracio eich cynnydd

Bydd gosod targed dyddiol realistig a'i daro yn teimlo'n wych. Gall hyn naill ai fod yn gamau, pellter, munudau o ymarfer corff neu unrhyw beth arall. Mae yna nifer o apiau olrhain ar gael ond gall fod mor syml â rhestr wirio mewn darn o bapur.

Gall enghreifftiau o dargedau dyddiol gynnwys:

• Rydw i'n mynd i barcio ymhellach i ffwrdd nag sydd angen i mi
• Yn y gwaith, bydda i’n cymryd y grisiau bob dydd

Ewch o nerth i nerth

Mae gweithgareddau sy'n adeiladu cryfder fel cario bagiau siopa trwm, pilates ar-lein neu fideos ymarfer cryfder, yn helpu i gadw cyhyrau, cymalau ac esgyrn yn gryf.  Yr argymhelliad yw eich bod yn anelu at wneud y rhain ddwywaith yr wythnos. Does dim angen i chi fod yn aelod o gampfa. Mae nifer o fideos ar-lein ar gael i'ch helpu chi. (Gweler isod am fanylion)

Gwneud e gyda'n gilydd

Weithiau mae'n haws cael eich cymell os ydych wedi dod yn egnïol gyda cwmni gyda chi (ffrindiau neu deulu).  Weithiau gall dod ag elfen o gystadleuaeth a heriau iach ei gwneud yn fwy o hwyl. Felly bachwch ffrind, cydweithiwr neu aelod o'r teulu i ymuno â chi.

Meithrinwch arferion da

Mae hyn yn helpu gyda datblygu trefn sy'n ei gwneud hi'n haws i chi gadw at y cynllun. Gall ychydig o baratoi fod y gwahaniaeth rhwng gwneud ymarfer corff neu wneud esgusodion i beidio â gwneud. Dyma rai awgrymiadau ar gyfer datblygu arferion da:

• Gosod nodyn atgoffa i symud drwy gydol y dydd
• Symud neu ymestyn wrth wylio'r teledu neu wrth wneud paned
• Cadw at yr un diwrnodau/amser os yn bosibl

Gwobrwyo eich hun

Gosodwch nodau realistig a gwobrwywch eich hun. Tritiwch eich hun:

• Taith i'r sinema neu docynnau cyngerdd neu gêm.
• Lawrlwytho ffilm neu gerddoriaeth
• Dillad
• Trip allan i rywle
• Nwyddau ymolchi newydd
• Teclyn newydd
• Llyfr neu lyfr sain

Does dim angen i chi fod yn hoff o chwaraeon i ddod yn egnïol yn gorfforol. Mae llawer o bethau y gallwch eu gwneud i gefnogi a gwella eich lles corfforol.

Syniadau Gweithgaredd

Does dim angen i chi fod yn hoff o chwaraeon i ddod yn egnïol yn gorfforol. Mae llawer o bethau y gallwch eu gwneud i gefnogi a gwella eich lles corfforol.. Dyma rai syniadau ar sut i ddechrau:

Cofiwch fod unrhyw beth yn well na ddim - hyd yn oed os nad ydych yn gallu gwneud 150 munud yr wythnos, dydy hyn ddim yn golygu na fyddwch yn gweld unrhyw fanteision o fod mor egnïol ag y gallwch fod.

Adnoddau

Gwyliwch y fideos isod am syniadau ar sut i oresgyn rhai o'r rhwystrau i weithgarwch corfforol:

I ddarganfod beth sydd ar gael yn eich ardal chi, edrychwch ar y gwefannau canlynol:

Apiau am ddim

Traciwch ac adeiladwch eich teithiau cerdded dyddiol - dechrau gyda 10 munud bob dydd!	Ap rhedeg ar gyfer dechreuwyr llwyr - yn ogystal â graddedigion diweddar Soffa i 5K.
Ap GIG Actif 10 - Lawrlwythwch ar y Storfa Ap	Ap GIG Actif 10 - Lawrlwythwch ar y Storfa Ap
Ap GIG Soffa i 5K - Ei gael ar Google Play	Ap GIG Soffa i 5K - Ei gael ar Google Play

Fideos ar lein am ddim

Mae yna lawer of fideos ar gael sydd wedi eu creu ar gyfer GIG:

• Dolenni i ystod o fideos ymarfer corff aerobig sy'n addas ar gyfer pob lefel, y gellir eu gwneud gartref. Yn cynnwys soffa i 5k ac ati.
• Dolenni i ystod o fideos ymarfer cryfder a gwrthiant sy'n addas ar gyfer pob lefel, y gellir eu gwneud gartref.
• Dolenni i ystod o fideos pilates a ioga i weddu i bob lefel, y gellir eu gwneud gartref.