Efallai y byddwch yn gymwys i gael brechlyn ffliw a brechlyn atgyfnerthu COVID-19 y gaeaf hwn.
Yma gallwch gael rhagor o wybodaeth am bob un o'r brechlynnau hyn, gan gynnwys ble y gallwch gael gafal arnynt.
Os ydych chi’n gymwys i gael brechlyn atgyfnerthu COVID-19 a/neu rhag y ffliw, mae hyn oherwydd eich bod mewn mwy o berygl o ddal y ffliw/COVID-19 a mynd yn sâl, a/neu eich bod mewn cysylltiad rheolaidd ag unigolion agored i niwed.
Mae'r brechlynnau ffliw a COVID-19 yn helpu i amddiffyn eich hun a'r rhai o'ch cwmpas rhag y prif fathau o ffliw a feirysau COVID-19 a allai fod yn cylchredeg ar y pryd. Mae cael eich brechu hefyd yn lleihau'r tebygolrwydd y byddwch yn dioddef o salwch difrifol ac angen mynd i'r ysbyty.
Mae'r dolenni a'r wybodaeth isod yn cynnwys llawer o wybodaeth ac atebion i lawer o gwestiynau cyffredin am bob un o'r brechlynnau.
Ynglŷn â'r brechlyn COVID-19 – Iechyd Cyhoeddus Cymru (gig.cymru).
Ynglŷn â'r brechlyn ffliw – Iechyd Cyhoeddus Cymru (gig.cymru).
Fel imiwnedd naturiol, mae'r imiwnedd amddiffynnol y mae'r brechlyn COVID-19 yn ei roi i chi yn lleihau dros amser. Mae angen brechlyn atgyfnerthu i wella'ch imiwnedd, cynyddu eich amddiffyniad rhag salwch difrifol, a lleihau'r tebygolrwydd y bydd angen i chi fynd i'r ysbyty.
Roedd pobl a dderbyniodd frechlyn atgyfnerthu yn yr hydref y llynedd tua 53% yn llai tebygol o fynd i'r ysbyty gyda COVID-19 yn y pythefnos i bedair wythnos ar ôl cael eu brechu, o'u cymharu â'r rhai na chafodd brechlyn atgyfnerthu.