Mae canfod canser yn gynnar yn golygu bod triniaeth yn fwy tebygol o fod yn llwyddiannus. Mae'n bwysig gwybod arwyddion a symptomau canser a chysylltu â meddyg teulu neu weithiwr gofal iechyd proffesiynol os nad yw rhywbeth yn ymddangos yn iawn.
I gael rhagor o wybodaeth am symptomau ac arwyddion canser, ewch i:
Nod sgrinio yw canfod camau cynnar clefyd neu atal clefyd rhag digwydd o gwbl. Mae sgrinio yn broses o nodi pobl sy'n ymddangos yn iach a allai fod mewn mwy o berygl o gael clefyd neu gyflwr; yna gellir cynnig gwybodaeth, profion pellach a thriniaeth briodol iddynt i leihau eu risg a/neu unrhyw gymhlethdodau sy'n deillio o'r clefyd neu'r cyflwr.
Mae pobl yng Nghymru sydd wedi cofrestru gyda meddyg yn cael eu gwahodd i gymryd rhan mewn tair rhaglen sgrinio canser genedlaethol, Sgrinio Canser y Coluddyn, Canser y Fron a Chanser Ceg y Groth. Mae sgrinio am ganser yn cael ei gynnig i'r bobl sy'n fwyaf tebygol o elwa ohono.
Cliciwch yma i gael rhagor o wybodaeth am yr holl Raglenni Sgrinio yng Nghymru.