Newyddion

Mae BIP Cwm Taf Morgannwg wedi talu ei deyrnged i'r Cynghorydd Phil White, fu farw yn ddiweddar ar ôl mynd yn sâl gyda COVID-19.

Ar Ddiwrnod Menopos y Byd (Hydref 18), mae Bwrdd Iechyd Prifysgol Cwm Taf Morgannwg (CTM) yn falch iawn o fod yn lansio gwasanaeth cymorth Menopos newydd ar gyfer staff, i hybu gwell dealltwriaeth o’r menopos a sut mae'n effeithio ar berthnasoedd a theuluoedd.  Mae'r gwasanaeth hwn yn agored i ddynion a menywod.

Mae Cadeirydd Bwrdd Iechyd Prifysgol Cwm Taf Morgannwg, Emrys Elias, wedi croesawu penodiad Aelod Annibynnol newydd i'r Bwrdd, Lynda Thomas, gan y Gweinidog Iechyd a Gwasanaethau Cymdeithasol.

Mae ein ward gofal i gleifion hŷn yn Ysbyty Tywysoges Cymru wedi symud i lawr y grisiau i Ward 15. Mae'r man newydd yn rhoi cyfleoedd newydd i gleifion gymysgu, cymryd rhan mewn gweithgareddau a threulio amser gyda'i gilydd, yn ogystal â diwallu eu hanghenion meddygol.

Yn ystod Wythnos Ymwybyddiaeth o Iechyd Meddwl 2021 (Hydref 3 - 9), mae Bwrdd Iechyd Prifysgol Cwm Taf Morgannwg ac Amser i Newid Cymru yn tynnu sylw at ei bartneriaeth arwyddocaol sydd wedi arwain at greu modiwl hyfforddi i chwalu stigma iechyd meddwl mewn lleoliadau gofal iechyd.  

Yn rhan o’i daith tuag at welliannau trwyadl yn ei wasanaethau mamolaeth, mae BIP Cwm Taf Morgannwg wedi cyhoeddi ymateb swyddogol i’r ddau adroddiad sydd wedi eu cyhoeddi heddiw, 5 Hydref, gan y Panel Trosolwg Annibynnol ar Wasanaethau Mamolaeth (IMSOP).

Mae pedwar aelod o Adran Theatrau Ysbyty'r Tywysog Siarl wedi cael eu hanrhydeddu am eu gwaith yn ystod pandemig COVID-19 gyda gwobr arbennig.

Ers iddi agor ei drysau ddwy flynedd yn ôl, mae mwy na 1,200 o bobl wedi cael gofal mewn uned gofal lliniarol o'r radd flaenaf, sydd wedi ei hariannu i raddau helaeth gan elusennau.

Mae’r garreg filltir wedi ei datgelu i nodi dwy flynedd ers i Uned Gofal Lliniarol Arbenigol NGS Macmillan y Bwthyn agor ei drysau yn Ysbyty Brenhinol Morgannwg.

Heddiw (dydd Mawrth Medi 21, 2021) cyhoeddodd y Gweinidog Iechyd a Gwasanaethau Cymdeithasol, Eluned Morgan, y bydd Emrys Elias yn dechrau swydd Cadeirydd Bwrdd Iechyd Cwm Taf Morgannwg am 18 mis o Hydref 01 2021 pan fydd y Cadeirydd presennol, yr Athro Marcus Longley, yn cwblhau ei dymor o bedair blynedd yn y swydd.

Drwy gydol pandemig COVID-19, mae’r Bwrdd Iechyd wedi bod yn hynod o ddiolchgar i gael llwyth o roddion ariannol oddi wrth y cyhoedd, gyda llawer ohonyn nhw’n dweud eu bod nhw am gyfrannu at wella lles y staff.

Dyma hysbysiad y bydd cyfarfod o Fwrdd Iechyd Prifysgol Cwm Taf Morgannwg yn cael ei gynnal Ddydd Iau 30 Medi 2021 am 10:00 am.

Bydd Uned Mân Anafiadau Ysbyty Cwm Cynon ar gau dros dro o heddiw (8 Medi) nes y byddwn ni’n dweud fel arall.

Mae’r Gwasanaeth Nyrsio Arbenigol ar gyfer Clefyd Parkinson ym Mwrdd Iechyd Prifysgol Cwm Taf Morgannwg yn ehangu i gynnal clinigau yn Rhondda, Merthyr Tudful ac Aberpennar er mwyn ceisio darparu cymorth yn agosach i gartrefi cleifion.

Mae grŵp pêl-droed dan gerdded poblogaidd yn chwarae eto yn y Rhondda, ac yn gwneud gwahaniaeth penigamp i iechyd meddwl a chorfforol y cyfranogwyr.

Bydd yr Adran Cyfleusterau'n ail-lansio ei harolygon adborth o foddhad a phrofiad cleifion a chwsmeriaid ar 1 Medi 2021.

Mae prinder tiwbiau casglu gwaed ledled y DU sy'n effeithio ar bob Ysbyty a Meddygfa Teulu.

Mae nyrsys a staff Ysbyty Cwm Rhondda wedi cael eu hanrhydeddu â Gwobr Ganmoliaeth gan Brif Swyddog Tân Gwasanaeth Tân ac Achub De Cymru yn dilyn eu dewrder ac ymateb cyflym.

Mae Cartref Nyrsio Glyncornel yn Nhonyrefail wedi llwyddo i gwblhau'r rhaglen addysg Chwe Cham i Lwyddiant. Mae’r rhaglen yn hybu Gofal Lliniarol a Gofal Diwedd Oes gyda chymorth Tîm Gofal Lliniarol Arbenigol BIP CTM, a dreialodd y rhaglen yn rhan o Raglen Mabwysiadu a Lledaenu Comisiwn Bevan.