Dyfodol Iach Maesteg
Ein Hymrwymiad i Ofal Iechyd ym Maesteg a Dyffryn Llynfi
Mae'r bwrdd iechyd wedi ymrwymo i ddarparumwy o wasanaethau, a gwasanaethau gwell, i drigolion Maesteg a Dyffryn Llynfi.
Yn dilyn adborth o sesiynau ymgysylltu â'r cyhoedd yn 2023, rydym yn bwriadu datblygu ystod ehangach o wasanaethau lleol, gan gynnwys gofal brys, clinigau cleifion allanol estynedig, cymorth iechyd meddwl, timau gofal integredig, a mannau lles cymunedol.
Rydym wedi nodi cyllid posibl o £30 miliwn gan Lywodraeth Cymru i fuddsoddi yn natblygiad y gwasanaethau yma, ac rydym wrthi'n archwilio'r opsiynau sydd ar gael i ni i gael mynediad at y cyfle unigryw hwn ym maes gofal iechyd na ddaw ond unwaith mewn cenhedlaeth.
Mae'n bwysig egluro nad oes unrhyw benderfyniad wedi'i wneud ynghylch y lleoliad y bydd y gwasanaethau hyn yn cael eu darparu ohono. Mae angen i ni sicrhau y gall pawb yng Nghwm Llynfi gael mynediad at wasanaethau yn y dyfodol ac felly mae angen i ni benderfynu ar y lleoliad mwyaf priodol sy'n ein galluogi i gyflawni ein hymrwymiad i bobl Maesteg a Chwm Llynfi.
Defnyddiwch y dudalen bwrpasol hon 'Dyfodol Iach Maesteg' i gael mynediad
- Diweddariad diweddaraf y bwrdd iechyd
- Cwestiynau Cyffredin
- Manylion sesiynau gwybodaeth lleol.
Rydym yn gweithio'n agos gyda Chyngor Bwrdeistref Sirol Pen-y-bont ar Ogwr, sefydliadau cymunedol a gwirfoddol, a byddwn yn parhau iymgysylltu'n agored, gan ddarparu unrhyw ddiweddariadau diweddaraf trwy gylchlythyrau ac ymgysylltu â'r gymuned leol ac adeiladu ar y sgwrs bwysig a ddechreuon ni yn 2023.