Cael mynediad at ofal a chymorth GIG Cymru ar ôl llawdriniaeth bariatrig breifat

Datganiad Sefyllfa ar gyfer BIP CTM

Mae BIP CTM wedi datblygu ein datganiad sefyllfa yn seiliedig ar farn timau meddygaeth, fferylliaeth, gofal sylfaenol, gwasanaeth rheoli pwysau a Iechyd y Cyhoedd CTM.

Ym mis Chwefror 2024, cyhoeddodd Llywodraeth Cymru Gylchlythyr Iechyd Cymru WHC/2024/005 ynghylch cleifion sydd wedi cael llawfeddygaeth Bariatrig breifat a rôl GIG Cymru. Dywed Llywodraeth Cymru:

“Mae gofal brys i gleifion y sector preifat yn nwylo’r GIG os bydd y claf yn cyflwyno i wasanaethau’r GIG.”
“Os na all claf bariatrig ôl-lawdriniaethol, neu os bydd yn dewis peidio â chael apwyntiad dilynol yn y sector preifat, gall y meddyg teulu atgyfeirio i ofal eilaidd, ar gyfer apwyntiad dilynol ôl-lawdriniaethol lefel 3/4 arbenigol yn unol â chanllawiau Y Sefydliad Cenedlaethol dros Iechyd a Rhagoriaeth Glinigol (NICE).”

Ar hyn o bryd yng Nghymru, mae Sefydliad Llawfeddygaeth Gordewdra a Metabolaidd Cymru (WIMOS) yn cael ei gomisiynu i ddarparu llawfeddygaeth Bariatrig gan gynnwys apwyntiad dilynol ar ôl llawdriniaeth am gyfnod o 2 flynedd. Nid yw gwasanaeth rheoli pwysau BIPCTM yn darparu'r gwasanaeth hwn.

Mae BIP CTM felly'n cynghori pob meddyg teulu sy’n dod ar draws cleifion bariatrig ôl-lawdriniaethol preifat â chymhlethdodau yn dilyn llawdriniaeth, a/neu’r rhai sy’n dymuno cael mynediad at fonitro ac atchwanegiadau drwy’r GIG yn hytrach na thrwy eu darparwr preifat i’w hatgyfeirio at WIMOS am asesiad a chymorth drwy:

Sefydliad Llawfeddygaeth Gordewdra a Metabolaidd Cymru (WIMOS)
Ysbyty Treforys
Treforys
Abertawe
SA6 6NL
Ffôn: 01792 545771

Mae Llywodraeth Cymru ar hyn o bryd yn adolygu'r goblygiadau i wasanaeth WIMOS lefel 4 a gwasanaethau lefel 3 ledled Cymru o ganlyniad i Gylchlythyr Cymru.

Darllen a lawrlwytho copi o'n taflen gwybodaeth cleifion 'Meddwl am gael llawfeddygaeth bariatrig breifat?'.

Mae fersiwn hygyrch o'r daflen hefyd ar gael: Meddwl am gael Llawfeddygaeth Bariatrig Breifat?