Neidio i'r prif gynnwy

Strike Out Stigma: Wythnos Diabetes 2026

Mae Wythnos Diabetes 2026 yn rhedeg o 8 i 14 Mehefin, gyda thema eleni: ‘‘Strike Out Stigma’.

Mae 8 o bob 10 o bobl sy'n byw gyda diabetes yn dweud eu bod wedi profi agweddau negyddol am eu cyflwr – o gael eu barnu a rhagdybiaethau i feio a chywilydd.

Yr enw ar hyn yw stigma diabetes, a gall gael effaith wirioneddol a pharhaol ar les pobl. Yr wythnos hon, rydym yn cefnogi'r galw i newid y ffordd rydym yn siarad am ddiabetes ac annog mwy o ddealltwriaeth a sgyrsiau cefnogol.

Gwyliwch ein fideos gan y gwasanaeth diabetes i oedolion a gwasanaeth diabetes i blant i ddysgu mwy am sut mae stigma yn effeithio ar bobl sy'n byw gyda diabetes, a sut y gallwn ni i gyd helpu i'w herio. Gallwch hefyd ddod o hyd i ragor o wybodaeth ar wefan Diabetes UK.

 

Cymryd rhan yn ystod Wythnos Diabetes

Bydd ein timau, ochr yn ochr â phartneriaid gan gynnwys Diabetes UK, Sgrinio Llygaid Diabetig Cymru a grŵp cymorth lleol Diabetes UK Cwmbach Diabetes Peer Support, yn cynnal stondinau gwybodaeth ar draws ein safleoedd.

Os ydych chi'n ymweld ag un o'n hysbytai, ewch heibio i ddarganfod mwy am diabetes, gan gynnwys:

  • Addysg a chefnogaeth
  • Sgriniad a gwiriadau blynyddol
  • Sgyrsiau heb stigma
  • Gwasanaethau cymorth lleol

Mae'r holl stondinau ar agor o 10yb tan 2yp:

  • Dydd Llun 8 Mehefin - Ysbyty’r Tywysog Siarl, Adran Cleifion Allanol (Mynedfa 5)
  • Dydd Mawrth 9 Mehefin - Ysbyty Tywysoges Cymru, Prif Goridor (gan gynnwys arddangosfa o beiriant sgriniad llygaid diabetes)
  • Dydd Iau 11 Mehefin - Ysbyty Brenhinol Morgannwg, y tu allan i'r ffreutur
  • Dydd Llun i Ddydd Gwener - Ysbyty Cwm Cynon, prif gyntedd gyda Diabetes UK Cwmbach Peer Support Group
Dysgu mwy am diabetes

Rydym newydd ddiweddaru ein tudalennau gwe diabetes, lle gallwch ddod o hyd i wybodaeth ddibynadwy ar:

Mae yna dudalen bwrpasol hefyd i aelodau staff BIP CTM i gael gwybod mwy am y cymorth sydd ar gael i chi.

 

Eich gwiriadau iechyd diabetes blynyddol

Os oes gennych ddiabetes math 1 neu fath 2, mae gennych hawl i gael archwiliad blynyddol gan eich meddyg teulu. Gelwir hyn yn aml yn adolygiad blynyddol diabetes. Gwyliwch ein fideos ar beth i'w ddisgwyl yn eich adolygiad blynyddol, gan gynnwys adborth gan un o'n cleifion.

Gall diabetes hefyd effeithio ar eich llygaid, felly mae'n bwysig mynychu apwyntiadau sgrinio llygaid diabetig rheolaidd. Mae'r rhain yn wahanol i brofion llygaid arferol gan eich optegydd.

Dylech gael eich gwahodd i gael eich sgrinio gan Sgrinio Llygaid Diabetig Cymru (DESW) bob 1-2 flynedd. Os nad ydych wedi derbyn gwahoddiad, siaradwch â’ch nyrs practis am atgyfeiriad.

Dysgwch fwy am sgriniad llygaid.

 

 

 

 

Straeon CTM go iawn a bod yn egnïol

Mae tua un o bob pump o blant a phobl ifanc sydd wedi cael diagnosis o ddiabetes Math 1 eisoes mewn cetoasidosis diabetig (DKA) pan fyddant yn cyrraedd yr ysbyty – argyfwng sy'n peryglu bywyd a all ddigwydd pan na chaiff diabetes Math 1 ei ddiagnosio.

I lawer o deuluoedd, roedd yr arwyddion rhybuddio yno ond roeddent yn hawdd eu colli ac roedd ganddynt esboniad hollol ddiniwed.

I un teulu, daeth yr argyfwng hwnnw heb rybudd - ar wyliau dramor, yng nghanol y nos, miloedd o filltiroedd o gartref. Darllenwch stori Luc.

 

 

 

 

 

Pobl Parkrun CTM

Gallwch hefyd ymuno â'n digwyddiad parkrun ar ddydd Sadwrn 13 Mehefin ym Mharc Ynysangharad, lle bydd diabetes yn ganolbwynt iechyd nesaf. Mae'r digwyddiad ar agor i bawb ac mae'n cael ei gefnogi'n llawn gan wirfoddolwyr Parkwalk, 5k Your Way, a grwpiau cymunedol.

Mwy o wybodaeth.

08/06/2026