Cyfyngiadau ymweld wedi eu llacio ar draws Cwm Taf Morgannwg

Rydym yn falch iawn o allu llacio ymhellach y cyfyngiadau ymweld o ddydd Iau 2 Mehefin, 2022.

Er ein bod wedi gallu gwneud newidiadau trwy gydol 2022, rydym bob amser wedi deall pa mor anodd yw hi wedi bod yn gosod cyfyngiadau ymweld ar gyfer ein cleifion, ac i chi, fel eu teulu a'u hanwyliaid.

Hoffem ddiolch i chi eto am eich amynedd a'ch dealltwriaeth sydd wedi ein helpu i gyrraedd y sefyllfa bresennol. A fyddech cystal â gwybod bod y penderfyniadau hynod anodd a wnaethom ynghylch ymweld bob amser yn cael eu gwneud gyda diogelwch yn flaenoriaeth; cleifion, ein cymunedau a’n staff.

Mae ein canllawiau newydd fel a ganlyn:

Bydd yr ymweliadau rhwng 2:00pm a 5:00pm ac yna eto rhwng 6:00pm a 7:00pm (gan gynnwys penwythnosau a gwyliau banc).
Gall pob claf gael uchafswm o ddau ymwelydd y dydd am hyd at awr.
Bydd dal angen i chi archebu slot ymweld yn uniongyrchol gyda'r ward berthnasol.
Mae rheolau gwahanol ar gyfer gwasanaethau mamolaeth (mwy isod).
Nid yw gofalwyr hanfodol yn cael eu dosbarthu fel ymwelydd ac ni ddylid eu cynnwys yn y dyraniad ymweliadau dyddiol.

Edrychwch trwy ein cwestiynau cyffredin isod i gael arweiniad pellach ar wisgo masgiau wyneb, sefyll profion llif ochrol a sut i archebu slot ymweld.

C: A yw hyn yn cynnwys eich holl ysbytai a'ch holl wardiau?

Ydy, er bod y canllawiau yn wahanol ar gyfer mamolaeth: Newidiadau i ymweliadau mamolaeth - Bwrdd Iechyd Prifysgol Cwm Taf Morgannwg (nhs.wales) . Rydym eisoes wedi dychwelyd i'n hamseroedd ymweld cyn-COVID yn ein hunedau Gwasanaethau Mamolaeth.

Mae hyn yn golygu y bydd un partner geni enwebedig yn gallu aros yn ein lleoliadau trwy gydol y dydd (10am - 8:30pm).

Mae hyn yn cynnwys ein wardiau cyn geni, yn ystod cyfnod esgor ac ar ein wardiau ôl-enedigol.

Gallant fod yn adegau pan fydd yn rhaid i ni gau ward oherwydd atal a rheoli heintiau. Os bydd hynny'n digwydd bydd ein timau'n cynnal asesiad risg a ellir cynnal ymweliadau tra bydd y ward honno ar gau.

C: Sut ydw i'n archebu slot ymweld?

Dylech drefnu ymweliad uniongyrchol â'r ward ymlaen llaw.

Bydd hyn fel arfer dros y ffôn.

Byddwch yn amyneddgar pan fyddwch yn ffonio, bydd ein staff yn ateb y ffôn ochr yn ochr â'u dyletswyddau arferol o ofalu am aelod o'ch teulu/anwyliaid.

C: Pa mor bell y mae'n rhaid i mi archebu ymlaen llaw?

Gorau po fwyaf o rybudd y gallwch ei roi i'ch ward. Gan eu bod wedi bod drwy gydol y pandemig, bydd ein staff yn ceisio bod mor hyblyg â phosibl, ond cofiwch, yn yr enghraifft o ward chwe gwely, ni fydd pob un o’r chwe chlaf yn gallu cael ymwelwyr ar yr un pryd. Dyna pam y byddwn yn gweithredu system archebu.

C: A oes rhaid i'r ddau ymwelydd ymweld ar yr un pryd?

Gall dau ymwelydd ymweld ar yr un pryd, ond gallant hefyd drefnu dau apwyntiad ar wahân o fewn yr un diwrnod. Fodd bynnag, nodwch fod hyn yn amodol ar argaeledd. Er enghraifft, mae ymwelydd un yn ymweld rhwng 2pm a 3pm ac ymwelydd dau yn ymweld rhwng 6pm a 7pm.

C: A oes rhaid i mi wisgo mwgwd wyneb pan fyddaf yn ymweld?

Nid yw bellach yn ofyniad cyfreithiol i ymwelwyr wisgo mwgwd wyneb neu orchudd wrth fynd i mewn i un o'n lleoliadau gofal iechyd.

Mae yna rai ardaloedd o'n hysbytai lle byddwn yn gofyn ac yn eich annog i wisgo mwgwd wyneb er mwyn amddiffyn ein cleifion. Maent fel a ganlyn:

Os ydych yn ymweld â chlaf y gwyddys bod ganddo, neu yr amheuir bod ganddo, COVID-19
Os ydych yn ymweld â chlaf â haint anadlol
Os ydych chi'n ymweld â chlaf sydd â risg uchel o haint neu sy'n parhau i fod mewn perygl uwch o gael COVID-19 (cleifion wedi'u hatal imiwneiddio

Byddwn yn parhau i gefnogi unrhyw un sy'n dymuno gwisgo mwgwd wyneb yn ystod eu hymweliad, a bydd masgiau ar gael i chi wrth fynedfeydd ein hysbytai, wardiau ac adrannau.

Byddem yn gofyn i chi ddefnyddio’r gel llaw alcohol sydd ar gael yn ein hysbytai yn rheolaidd, a golchi’ch dwylo â sebon a dŵr pan fyddwch yn cael y cyfle i wneud hynny.

C: A oes rhaid i mi gymryd prawf llif ochrol cyn i mi ymweld?

Nac ydy. Nid oes angen i chi gymryd prawf llif ochrol mwyach cyn ymweld â'n hysbytai.

C: A fyddaf yn cael ymweld os oes gennyf symptomau tebyg i COVID-19 neu os byddaf yn teimlo'n sâl yn gyffredinol?

Na ddylech. Ni ddylech ymweld os oes gennych symptomau COVID-19.

Ni ddylech ymweld â ni os ydych yn sâl oherwydd gallai hyn roi'r person yr ydych yn ymweld ag ef mewn perygl.

Gallai trosglwyddo'ch salwch, boed yn COVID-19 neu'n glefyd anadlol arall, i'ch anwyliaid a chleifion eraill achosi iddynt fynd yn ddifrifol wael ac arafu eu hadferiad.

C: A yw'r rheolau ymweld yr un peth ar gyfer gofalwyr hanfodol?

Nid yw gofalwyr hanfodol a chynorthwywyr cymorth hanfodol, fel dehonglwyr, yn cael eu dosbarthu fel ymwelwyr. Trafodwch hyn gyda'ch gweithiwr iechyd proffesiynol.

C: A allaf ddod â chyflenwadau ar gyfer y person yr wyf yn ymweld ag ef (pyjamas / pethau ymolchi)? Beth am fwyd?

Gallwch, gallwch ddod â chyflenwadau gyda chi. Gallwch hefyd ddod â bwyd a byrbrydau (yn gymedrol), ond rydym yn argymell peidio â dod â phrydau cartref neu fwyd cartref i'r claf.

C: A fyddaf yn cael mynd i unrhyw le arall yn yr ysbyty pan fyddaf yn ymweld? (Toiledau, Caffi)

Gallwch, er ein bod yn gofyn i bob ymwelydd lywio ein hysbytai gyda phwrpas a chyrchfan - ni ddylech gerdded o gwmpas er mwyn cerdded o gwmpas.

C: Mae gennyf apwyntiad claf allanol – a all rhywun ddod gyda mi?

Oes, fel rhan o allu llacio ein cyfyngiadau ymweld, gall un person arall fynd gyda chi i apwyntiad claf allanol nawr.

C: Mae angen i mi fynd i'ch adran achosion brys – a all rhywun ddod gyda mi?

Oes, gall un person arall fynd gyda chi yn yr Adran Achosion Brys. Sylwch, ar adegau o alw mawr, efallai y bydd yn rhaid i ni ofyn i'r person sydd gyda chi aros yn rhywle arall i ryddhau lle yn y man aros. Bydd gofyn i'r ddau ohonoch wisgo mwgwd tra yn ein Hadran Achosion Brys.

C: Sut ydych chi'n gwneud y penderfyniadau hyn wrth ymweld?

Mae llacio cyfyngiadau ymweld wedi bod yn flaenoriaeth uchel i’r Bwrdd Iechyd drwy gydol y pandemig. Caiff cyfyngiadau eu hadolygu’n wythnosol gan dîm ymroddedig sy’n cynnwys staff clinigol o bob rhan o’r Bwrdd Iechyd, gyda chynrychiolaeth o Iechyd Cyhoeddus Cymru. Rydyn ni’n gwybod pa mor bwysig yw ymweld i iechyd meddwl a lles ein cleifion a’u hanwyliaid, ond mae’n rhaid i ni gydbwyso’r budd hwnnw â’r risg o haint Covid i’r bobl fregus ac anhwylus rydyn ni’n gofalu amdanyn nhw.

Byddwn yn parhau i adolygu'r rheolau ymweld yn rheolaidd dros yr wythnosau nesaf.