Diabetes Math 1
Os oes gennych ddiabetes math 1, mae eich glwcos yn y gwaed yn rhy uchel oherwydd nad yw'ch corff yn gallu gwneud hormon o'r enw inswlin.
Nid ydym yn gwybod achos diabetes math 1 – ond rydyn ni'n gwybod nid yw'n cael ei achosi gan ddeiet neu ffordd o fyw.
Er bod diabetes math 1 yn aml yn cael ei ddiagnosio yn ystod plentyndod, gall pobl ddatblygu diabetes math 1 ar unrhyw oedran.
Symptomau diabetes
-
Toiled – mynd i’r tŷ bach yn amlach, yn enwedig yn y nos.
-
Syched - Bod yn sychedig iawn a methu torri’r syched.
-
Wedi blino – yn flinedig iawn a heb egni.
-
Teneuach – colli pwysau heb geisio neu edrych yn deneuach nag arfer.
Sut mae diabetes math 1 yn cael ei drin?
-
Inswlin yw'r brif driniaeth ar gyfer diabetes math 1.
Bydd angen Pigiadau inswlin arnoch bob dydd, neu byddwch yn defnyddio pwmp inswlin (dyfais fach rydych chi'n ei hatodi i'ch corff) sy'n rhyddhau inswlin.
-
Er mai inswlin yw'r unig feddyginiaeth ar gyfer diabetes math 1, efallai y bydd rhai pobl â diabetes math 1 hefyd yn cael rhagnodi meddyginiaeth arall i wneud eich corff yn fwy sensitif i inswlin e.e. Tabledi Metformin.
Addysg Diabetes Math 1
DAFNE (Dose Adjustment For Normal Eating)
Mae hwn yn gwrs sy'n cael ei gyflwyno ar y cyd gan Ddietegydd a Nyrs Diabetes Arbenigol, ynghyd â mewnbwn gan ein hymgynghorwyr diabetes. Mae DAFNE ar gael fel cwrs wyneb yn wyneb 5 diwrnod neu ar-lein dros gyfnod o 6 wythnos.
Mae DAFNE yn fwy na rhaglen cyfrif carbohydradau, er bod dysgu a mireinio'r sgiliau sy'n angenrheidiol i gyfrif y carbohydrad ym mhob pryd ac i chwistrellu'r dos cywir o inswlin yn rhan bwysig o'r cwrs.
Nod DAFNE yw helpu pobl â diabetes math 1 i fyw bywyd mor normal â phosibl, tra hefyd yn cynnal lefelau glwcos yn y gwaed o fewn targedau iach, er mwyn lleihau'r risg o gymhlethdodau diabetes hirdymor.
Oes gennych chi ddiddordeb mewn mynychu cwrs addysg DAFNE? Gofynnwch i'ch nyrs practis neu weithiwr gofal iechyd proffesiynol am atgyfeiriad.