Croeso i'r Adran Cleifion Allanol Plant BIPCTM
Mae'r Adran Cleifion Allanol Plant o fewn BIPCTM wedi'u lleoli o fewn ein 5 canolfan. Mae pob un yn cael ei staffio gan Nyrsys Plant, Ymgynghorwyr Paediatrig, Cynorthwywyr Gofal Iechyd, ac ymarferwyr arbenigol. Yn ein hadrannau rydym yn gweld plant â llawer o wahanol gyflyrau meddygol. Rydym yn cynnal sawl clinig i drin plant a phobl ifanc 0-16 oed gydag amrywiaeth o gyflyrau gwahanol (fel cardioleg, asthma, endocrin ac alergedd).
Bydd cleifion sy'n cael eu hatgyfeirio atom yn gweld rhywun o'r tîm amlddisgyblaethol. Bydd eich apwyntiad fel arfer gydag ymgynghorydd paediatrig, ond efallai y cewch eich gweld hefyd gan nyrs arbenigol, neu therapydd.
Yn ystod eich apwyntiad, efallai y bydd angen profion ychwanegol arnoch fel prawf gwaed, pelydr-x, ECG neu bric croen (prawf alergedd). Caiff y rhain eu cynnal gan y nyrsys a'r cynorthwywyr gofal iechyd, ond byddwch yn ymwybodol y gallai fod amser aros yn dibynnu ar glinigau eraill ac os ydyn nhw’n rhedeg.
Efallai y bydd yn rhaid i chi ddod i ymweld â ni ychydig o weithiau, ond ni fydd yn rhaid i chi aros dros nos.
Ein Canolfannau