Wythnos Atal Cwympiadau: 21 - 25 Medi 2026

Gall unrhyw un gwympo, ond wrth i bobl heneiddio, mae’n fwy tebygol o ddigwydd - yn enwedig os oes ganddyn nhw broblemau symudedd.

Os yw rhywun mewn perygl o gwympo, gall rhai newidiadau i'w ffordd o fyw ei helpu i osgoi anafiadau a hybu hyder ac annibyniaeth.

Yr Wythnos Atal Cwympiadau hon, bydd gwasanaeth Peidiwch â Chwympo Amdani CTM yn cynnig cyfres o gyfleoedd am ddim ledled Cwm Taf Morgannwg, wedi'u cynllunio i helpu unrhyw un a allai fod yn poeni am gwympo, neu sydd â diddordeb mewn dysgu mwy ar ran aelod o'r teulu neu ffrind, i ddod draw a chael rhywfaint o wybodaeth.

Dyma amserlen isod o ble bydd ein timau yn ystod yr wythnos a sut allwch chi gwrdd â'n harbenigwyr cwympiadau.

Yn ymarferol...

Yn gynharach eleni, atgyfeiriodd David, 80 oed, o'r Rhondda, ei hun at y gwasanaeth gan ei fod yn cwympo'n ddyddiol ac yn dibynnu ar ei wraig i'w helpu i symud o gwmpas.

Ymunodd David â Chwrs Atal Cwympiadau 12 wythnos a gosododd ei nodau i leihau ei ofn o gwympo a gwella ei gydbwysedd i wneud tasgau bob dydd yn haws.

Yn ystod y cyfnod hwn, gwelodd David welliant amlwg, a hyd yn oed gwnaeth ffrindiau yn y dosbarth yr oedd yn edrych ymlaen at eu gweld bob wythnos. Darllenwch fwy am ei stori yma.

Os na allwch fynychu un o'r sesiynau uchod i siarad â'n harbenigwyr cwympiadau, ond bod gennych ddiddordeb mewn dysgu mwy, atgyfeiriwch eich hun at y Gwasanaeth Peidiwch â Chwympo Amdani! trwy ffonio 01443 715013, neu anfonwch e-bost at y tîm ar ctm.dontfallforit@wales.nhs.uk.

14/09/2026