Yr argymhelliad yw bod pob plentyn a pherson ifanc sy'n byw â Diabetes yn cael cymorth seicoleg fel rhan o'i ofal Diabetes arferol.
Mae hyn oherwydd ein bod yn gwybod bod byw gyda Diabetes yn gallu bod yn anodd iawn. Mae'n gallu cael effaith fawr ar eich lles meddyliol. Mae llawer i feddwl amdano a fedrwch chi ddim cymryd diwrnod i ffwrdd o Ddiabetes – felly mae'n ddealladwy i deimlo dan straen ac wedi'ch llethu weithiau.
Os ydych chi'n ei chael hi’n anodd ymdopi â Diabetes, efallai y bydd y Seicolegydd Diabetes yn gallu helpu.
Mae'r Seicolegydd Diabetes yn rhan o’r tîm Diabetes Pediatrig ac efallai y byddwch chi’n ei weld mewn clinig ac mewn digwyddiadau eraill fel sesiynau addysg SEREN.
Nod y gwasanaeth yw helpu pobl ifanc a'u teuluoedd i 'fyw'n dda' â Diabetes. Mae hyn yn golygu gallu rheoli Diabetes heb deimlo ei fod yn 'cymryd drosodd' eich bywyd ac yn eich rhwystro chi rhag gwneud y pethau sy'n bwysig i chi.
Er ei bod yn ddealladwy weithiau i deimlo rhwystredigaeth neu ofid gyda Diabetes, mae'n bwysig ceisio cymorth os byddwch chi'n sylwi bod Diabetes yn gwneud i chi deimlo'n wael amdanoch chi'ch hun neu'n achosi i chi deimlo'n isel, yn bryderus neu dan straen.
Rydyn ni'n helpu pobl gyda phob math o anawsterau, gan gynnwys:
Os hoffech chi gael apwyntiad, gofynnwch i'ch Meddyg Ymgynghorol, Deietegydd neu Nyrs Glinigol Arbenigol.