Call for Concern

Mynegi Call for Concern

Diweddarwyd ddiwethaf: 17eg Gorffennaf 2026

Ydy eich cyflwr chi, neu gyflwr rhywun annwyl, yn gwaethygu?: Dywedwch wrth nyrs neu feddyg ar y ward.

Ydych chi'n dal yn poeni amdanoch chi'ch hun neu rywun annwyl?: Os oes gennych bryderon o hyd ar ôl siarad â staff y ward, yna mae'n bryd gwneud Call for Concern.

Beth yw Call for Concern?: Mae Call for Concern yn wasanaeth sy'n cefnogi cleifion, eu teuluoedd a'u gofalwyr i alw am gymorth brys os ydyn nhw'n teimlo nad yw eu pryderon wedi cael sylw gan staff ar y ward.

Sut ydw i'n cael mynediad at Call for Concern?

Ffoniwch 01443 443443 a gofynnwch am ‘Adult Call for Concern’ a nodwch yr ysbyty rydych chi ynddo. Byddwch yn cael eich trosglwyddo i’r Tîm Allgymorth Gofal Critigol. Bydd aelod o'n tîm yn dechrau trwy ofyn rhai cwestiynau i chi dros y ffôn.

Yna falle bydd yn ymweld â chi neu'ch anwylyd ar y ward i gynnal asesiad ac adolygu eich cyflwr.

Bydd y tîm yn gweithio'n agos gyda gweithwyr gofal iechyd proffesiynol eraill i sicrhau eich bod yn derbyn y gofal gorau posibl.

Pam ddefnyddio Call for Concern?

Chi sy'n adnabod eich hun a'ch anwyliaid orau.

Os ydych chi'n teimlo bod eich cyflwr corfforol, neu gyflwr anwylyd, yn gwaethygu tra byddwch chi yn yr ysbyty, rydyn ni eisiau i chi siarad â ni.

Mae'r gwasanaeth Call for Concern yn caniatáu i chi uwchgyfeirio eich pryderon am berson a allai fod yn dirywio'n gorfforol (pan fydd ei gyflwr yn gwaethygu). Mae yno i chi os ydych chi'n teimlo nad oes unrhyw un ar y ward yn gwrando arnoch chi.

Ydy Call for Concern ar gael ym mhobman?

Ar hyn o bryd, dim ond i gleifion ar wardiau oedolion mewnol yn Ysbyty'r Tywysog Siarl, Ysbyty Tywysoges Cymru ac Ysbyty Brenhinol Morgannwg y mae'r gwasanaeth ar gael.

Byddwn yn parhau i ddiweddaru'r dudalen hon wrth iddi ddod ar gael mewn mwy o ardaloedd.