Gweithiwr Cymorth Deieteg

Lauren Morgan ydw i, ac rydw i wedi treulio'r blynyddoedd diwethaf yn gweithio yn Nhîm Deieteg Iechyd y Cyhoedd, yn cefnogi ein cymuned leol. Rydw i wedi camu i rôl PIPYN yn ddiweddar, ac rydw i wir yn mwynhau'r her newydd a'r cyfle i wneud hyd yn oed mwy o effaith.  

Fel Gweithiwr Cymorth Deieteg, dwi wrth fy modd bod allan mewn ysgolion a chael profiad ymarferol o sesiynau sy'n dod â dysgu'n fyw. Fy hoff sesiwn i'w chyflwyno yw Annie Actif — mae'n hwyl, yn egnïol, ac yn ffordd wych o gysylltu â'r plant wrth ddysgu rhywbeth ystyrlon iddyn nhw.  

Y tu allan i’r gwaith, mae fy mab bach yn fy nghadw’n brysur ac yn dod â llawer iawn o lawenydd (a thipyn o gynnwrf) i’r tŷ. Pan fydda i’n rhydd, rwy’n mwynhau diwrnodau allan gyda’r teulu a threulio amser yn y parc.