Awdioleg i Oedolion
Rydyn ni’n darparu gwasanaeth diagnostig ac adsefydlu llawn i bobl gydag anhwylderau clywed, tinitws ac anhwylderau cydbwyso.
Mynd i Apwyntiadau
Pan fyddwch chi’n dod i'r adran, dilynwch y canllawiau hyn:
-
Does dim angen masg wyneb mwyach oni bai bod gennych symptomau peswch/annwyd
- Gadewch i'r dderbynfa wybod eich bod chi wedi cyrraedd
- PEIDIWCH â chyrraedd yn gynnar ar gyfer eich apwyntiad. Mae’n bosib y bydd gofyn i chi aros y tu allan tan 10 munud cyn amser eich apwyntiad
Os bydd angen cyfieithydd neu ofalwr arnoch i ddod i'ch apwyntiad, cysylltwch â ni cyn eich apwyntiad.
Trwsio Cymhorthion Clyw
| Cleifion Pen-y-bont ar Ogwr/Maesteg |
Clfieion Dwyrain Cwm Taf |
|
O ddydd Mercher 7 Awst 2024 - mae sesiynau galw heibio i drwsio cymhorthion clyw yn ôl! Does dim angen apwyntiad a bydd yn rhedeg bob dydd Mercher rhwng 9am - 4pm yn Ysbyty Tywysoges Cymru. |
Ysbyty Brenhinol Morgannwg sesiynau galw heibio i drwsio cymhorthion clyw /gwasanaethu ar gael bob dydd Gwener 9am - 12.30pm. Gallwch chi hefyd trefnu apwyntiadau trwsio/gwasanaethu ymlaen llaw, anfonwch e-bost neu ffoniwch eich gwasanaeth lleol i drefnu. |
|
|
Ysbyty'r Tywysog Siarl Mae’n bosib trwsio cymhorthion clyw rhwng 9am - 5pm. I drefnu hyn, ffoniwch 01685 728130 (Merthyr Tudful). Ysbyty'r Tywysog Siarl – Adran Awdioleg |
|
|
Ysbyty Cwm Rhondda Sesiynau galw heibio i drwsio cymhorthion clyw /gwasanaethu ar gael bob dydd Llun 9am - 12.30pm. |
|
|
Parc Iechyd Prifysgol Keir Hardie Sesiynau galw heibio i drwsio cymhorthion clyw/gwasanaethu ar gael bob dydd Iau 9am - 12.30pm. |
Gallwch chi hefyd bostio eich cymhorthion clyw atom ni i’w trwsio, ond dilynwch y cyngor isod:
- Sicrhewch fod y pecyn wedi ei selio'n dynn er mwyn atal unrhyw beth rhag mynd ar goll neu rhag cael ei ddifrodi.
- Dylech chi allu postio eitem o’r maint a’r pwysau hynny yn iawn. Os oes unrhyw bryderon gyda chi, pwyswch y pecyn neu defnyddiwch dosbarthiad cofnodedig.
- Cofiwch nodi eich enw llawn, cyfeiriad a rhif ffôn, yn ogystal â chrynodeb o unrhyw ddiffygion gyda'r cymorth clyw.
Sylwch nad ydyn ni’n gyfrifol am unrhyw ddyfeisiau sy’n mynd ar goll trwy'r post.
RHYBUDD DIOGELWCH
Mae batris yn beryglus os ydynt yn cael eu llyncu. Efallai na fydd y difrod yn amlwg tan oriau'n ddiweddarach.
Dylech chi ofyn am sylw meddygol ar unwaith os ydych chi'n amau bod rhywun wedi llyncu batri, hyd yn oed os bydd yr unigolyn hwnnw i’w weld yn iach.
Sicrhewch fod eich batris a'ch cymorth clyw allan o gyrraedd plant ac oedolion sy’n agored i niwed.
Peidiwch byth â storio batris gyda moddion.
Gofynnwch am gymorth clyw y mae modd ei gloi os ydych chi'n gofalu am rywun sy'n agored i niwed.
I bwy mae’r gwasanaeth?
Mae ein gwasanaeth awdioleg yn cynnig:
- Asesiadau cynhwysfawr o’r clyw a ffitio cymhorthion clyw i oedolion (18 oed neu hŷn)
- Archwiliadau diagnostig cynhwysfawr ac asesiadau o gydbwysedd
- Therapi’r clyw a thinitws i oedolion
- Adsefydlu cydbwysedd (festibwlar) i oedolion
- Cynnal a chadw a thrwsio cymhorthion clyw
All unrhyw un ddefnyddio'r gwasanaeth hwn?
Gall, ond bydd angen i feddyg atgyfeirio oedolion.
Nid oes angen ailgyfeiriad ar gleifion Awdioleg presennol ac fe allant gysylltu â ni'n uniongyrchol i drefnu apwyntiad.
Beth i'w ddisgwyl
Pan fydd eich meddyg teulu neu arbenigwr ar y glust, y trwyn a’r gwddf yn eich atgyfeirio chi, byddwn ni’n ychwanegu eich enw at ein rhestr aros. Fyddwn ni ddim yn cysylltu â chi nes ein bod ni wedi trefnu apwyntiad ar eich cyfer chi. Bydd yr amseroedd aros ar gyfer mathau eraill o apwyntiadau yn amrywio. Mae’r GIG yn darparu cymhorthion clyw y tu ôl i’r glust.
Manylion cyswllt
|
Ysbyty Brenhinol Morgannwg |
Awdioleg (Parth Q) |
|
Ysbyty'r Tywysog Siarl |
Ysbyty Cwm Cynon |
|
Ysbyty Cwm Rhondda |
|
Dolenni defnyddiol
Rydym yn annog cleifion a'u hanwyliaid i ymgysylltu a chyfathrebu â ni i helpu i hwyluso cynllunio, archwilio boddhad a datblygu gwybodaeth am ein gwasanaethau. Cysylltwch â ni os oes gennych unrhyw sylwadau a allai wella ein gwasanaethau.