Mynd y Filltir Ychwanegol

Leanne Nash - Nyrs yr Uned Gofal Arbennig i Fabanod - Ysbyty’r Tywysog Siarl

Roedd Leanne Nash yn gofalu am fy mabi newydd anedig, Evie, yn ystod ei arhosiad 3 diwrnod yn yr Uned Gofal Arbennig i Fabanod yn Ysbyty'r Tywysog Siarl. Rhoddodd Leanne ofal anhygoel i Evie. Defnyddiodd dechnegau tynnu sylw wrth gymryd gwaed o sawdl Evie bob 4 awr ar gyfer profi. Byddai Evie fel arfer yn mynd yn ofidus ac yn sgrechian ond prin y sylwodd hi pan oedd Leanne yn cyflawni'r dasg. Yn ogystal â hyn, un noson daeth Leanne at fy ngwely pan oeddwn i'n arbennig o sâl ac yn methu gadael i ymweld ag Evie yn SCBU - daeth â lluniau printiedig i mi o Evie i ddangos sut roedd hi, a rhoi diweddariad llawn i mi, er ei bod hi'n hanner nos pan wnes i ofyn amdano. Doedd dim byd byth yn ormod o drafferth iddi. Roedd hi hefyd yn fy nghefnogi ac yn gwneud i mi deimlo'n fwy tawel fy meddwl. Roeddwn i'n gallu trafod gofal Evie gyda hi ac roedd hi'n gwneud yn siŵr fy mod i'n deall beth oedd yn digwydd. Ni alla i fyth ddiolch digon iddi am y gefnogaeth a roddodd i mi yn ystod cyfnod lle'r oeddwn i'n teimlo mor bryderus ac ofnus.

"Daeth yr enwebiad hwn fel syndod llwyr i mi, felly pan gefais wybod fy mod nid yn unig wedi fy enwebu ond fy mod wedi ennill gwobr cefais fy chwythu i ffwrdd!  Felly yn wylaidd iawn, yn enwedig gan fod rhiant wedi cymryd yr amser i wneud hyn i mi.  Diolch eto, mae hyn yn golygu cymaint i mi, gan gyd-fynd â'm 20fed Blwyddyn Nyrsio Newydd-anedig."