Digwyddiadau ymgysylltu yn eich gymuned

Rydym yn falch o gyhoeddi lansiad cam nesaf ymgysylltu cyhoeddus ar gyfer Maesteg a Chwm Llynfi.

Ar ôl 4 wythnos o godi ymwybyddiaeth ddigidol, rydym bellach yn dechrau cyfres o ddigwyddiadau ymgysylltu cymunedol drwy gydol mis Hydref a mis Tachwedd, lle bydd cydweithwyr o'r Bwrdd Iechyd yn cwrdd â phobl yn y gymuned leol, mewn lleoliadau adnabyddus ac hygyrch.

Yn ystod y ddau fis nesaf, rydym am gael sgyrsiau am:

✅ Canolfan Iechyd a Lles Cwm Llynfi newydd arfaethedig ar Heol Ewenni, yn amodol ar gymeradwyaeth Llywodraeth Cymru i’r cyllid yn y dyfodol.

✅ Dyfodol safle Ysbyty Cymunedol Maesteg, yn dilyn agor y Ganolfan Iechyd a Lles Cwm Llynfi newydd arfaethedig ar Heol Ewenni.

✅ Gwella mynediad lleol at wasanaethau iechyd a lles

✅ Gwrando ar brofiadau, syniadau a phryderon trigolion lleol, grwpiau cymunedol a phartneriaid.

Rydym am glywed gan yr ystod ehangaf bosibl o leisiau ar draws Maesteg a Chwm Llynfi; felly, rhannwch y wybodaeth hon gyda'ch teulu, eich ffrindiau a'ch rhwydweithiau ehangach er mwyn i gynifer o bobl â phosibl allu cymryd rhan.

Digwyddiadau cymunedol sydd ar ddod

Sylwch: Digwyddiadau cymunedol (gan gynnwys manylion lleoliadau ac amseroedd), yn cael eu diweddaru'n rheolaidd ar y dudalen hon wrth i ddigwyddiadau newydd gael eu cadarnhau, felly, cofiwch wirio'n rheolaidd am y wybodaeth ddiweddaraf. Gallwch hefyd ddod o hyd i'r wybodaeth hon ar ein tudalennau cyfryngau cymdeithasol.