Ysbyty Cymunedol Maesteg - Dweud Eich Dweud

Maesteg and the Llynfi Valley

Rydym yn gwybod, ac wedi clywed eto yr wythnos ddiwethaf, fod Ysbyty Cymunedol Maesteg yn bwysig i bobl leol ac wedi bod yn rhan o'r gymuned ers cenedlaethau. Mae’r Bwrdd Iechyd yn cydnabod ac yn parchu treftadaeth yr adeilad a’r rhai a’i hadeiladodd, ac mewn ymateb i’r adborth a gafwyd hyd yma roeddem am roi’r wybodaeth ganlynol.

Cyfrannodd y ffactorau allweddol hyn at y penderfyniad i fwrw ymlaen â chynllun ar gyfer Canolfan Iechyd a Lles newydd yn Oakwood Drive, ger Heol Ewenni.

 🏥Oed a Chyflwr yr Adeilad

 Mae'r ysbyty dros 110 mlwydd oed ac wedi gwasanaethu'r gymuned yn dda ers cenedlaethau, ond mae angen adeiladau ar wasanaethau modern sy'n:

  • Addas at y diben
  • Hyblyg
  • Hawdd cyrraedd (gan gynnwys drwy drafnidiaeth gyhoeddus)
  • Cefnogi anghenion iechyd a lles pobl o bob oed, nawr ac am flynyddoedd lawer i ddod

Mae cyflwr a chynllun yr adeilad, a ffactorau eraill sy'n ymwneud â safle'r ysbyty, yn ogystal â'r arian a allai fod ar gael, yn gwneud ailddatblygu'r ysbyty yn dasg heriol iawn.

💙Gwasanaethau Sy'n Diwallu Eich Anghenion

 Yn 2023, dywedoch chi wrthym am y gwasanaethau iechyd a lles sydd bwysicaf i Gwm Llynfi.

Gallwn ddarparu llawer mwy o'r gwasanaethau hyn mewn adeilad newydd, modern a hygyrch. Dydy hi ddim yn bosibl darparu’r holl wasanaethau hyn yn Ysbyty Cymunedol Maesteg fel y mae ar hyn o bryd nac mewn ysbyty cymunedol wedi’i ailddatblygu.

✅Mae ein gwasanaethau arfaethedig mewn adeilad newydd yn cynnwys:

  • Gwasanaeth Meddyg Teulu - Meddygfa Bron-y-Garn.
  • Canolfan Gofal Brys - Triniaeth ar gyfer mân anafiadau a salwch, gan gynnwys cyfleusterau pelydr-X.
  • Adran Cleifion Allanol - Ystod ehangach o glinigau arbenigol ac apwyntiadau.
  • Gwasanaethau Gofal Iechyd Cymunedol - Gan gynnwys gofal clwyfau a gwasanaethau lymffoedema.
  • Gwasanaethau Llygaid (Offthalmoleg) - Gofal llygaid arbenigol.
  • Gwasanaethau Clyw (Awdioleg) - Asesu a chymorth clyw.
  • Gwasanaethau Iechyd Meddwl Cymunedol.
  • Gwasanaethau iechyd ac awdurdodau lleol sy'n cefnogi oedolion, plant a theuluoedd.
  • Man cymunedol i sefydliadau ddarparu cymorth a chyngor.

❗Nid oes penderfyniad wedi’i wneud ynghylch ei ddefnydd yn y dyfodol.

🚨Dweud eich Dweud

Rhannwch eich barn ar ddyfodol gwasanaethau iechyd a lles lleol ar gyfer Maesteg a Chwm Llynfi.

Helpwch i lunio cynlluniau ar gyfer Canolfan Iechyd a Lles newydd arfaethedig yn Oakwood Drive, ger Heol Ewenni (yn amodol ar gymeradwyaeth ariannu gan Lywodraeth Cymru yn y dyfodol) ac i rannu eich syniadau ar gyfer defnydd Ysbyty Maesteg yn y dyfodol.

Cwblhewch ein harolwg byr: Arolwg - Helpu i lunio dyfodol gwasanaethau iechyd a lles ym Maesteg a Chwm Llynfi

03/11/2026