Gwirfoddolwyr yr Adran Argyfwng
Hoffai Bwrdd Iechyd Prifysgol Cwm Taf Morgannwg ar y cyd â’r Gwasanaeth Gwirfoddol arddangos cynllun peilot newydd a dweud diolch enfawr i’n holl Wirfoddolwyr yn yr Adran Argyfwng. Ymunodd y Gwasanaeth Gwirfoddol â’r Adran Argyfwng, Ysbyty Tywysoges Cymru ac ar ôl cymaint o ddiddordeb roedd yn falch o gael gwirfoddolwyr i ddechrau ar 23 Ebrill 2023. Mae’r gwirfoddolwyr yn darparu cefnogaeth i gleifion, teuluoedd a gofalwyr trwy:
- Darparu cwmnïaeth a chymorth digidol i gleifion gan eu galluogi i gysylltu â pherthnasau ac anwyliaid
- Rhoi adborth i staff, trosglwyddo negeseuon i adrannau eraill o fewn yr ysbyty
- Rhoi lluniaeth i gleifion, helpu yn ystod amseroedd bwyd trwy roi bwyd a diod (dan arweiniad staff) a chlirio ar ôl amser bwyd
- Siarad â chleifion ac ymwelwyr mewn ystafelloedd aros a rhoi gwybod i staff am unrhyw bryderon
- Ailgyflenwi stoc ar drolïau, mewn baeau a stondinau taflenni gwybodaeth, rhoi cyngor am ble i ddod o hyd i gymorth a chyfarwyddiadau i gleifion a pherthnasau/cymdeithion
- Cyfeirio cleifion/ymwelwyr i rannau eraill o'r ysbyty a mynd gyda nhw lle bo'n briodol
- Annog a chynorthwyo cleifion, teulu, gofalwyr a ffrindiau i lenwi arolygon adborth
Mae’r prosiect Gwirfoddoli yn yr Adran Argyfwng yn cael ei redeg fel peilot i ddechrau, er mwyn deall effaith cymorth gwirfoddolwyr a sut mae’n ymwreiddio o fewn yr adran. Y cynllun wrth symud ymlaen yw efelychu’r cymorth gwirfoddol ar draws Adrannau Argyfwng eraill. Unwaith eto, diolch yn fawr iawn i’n Gwirfoddolwyr yn yr Adran Argyfwng a’n Staff Argyfwng am eu cefnogaeth a’u hymroddiad parhaus i wneud hyn yn llwyddiant……
