Wythnos Imiwneiddio y Byd WHO (Sefydliad Iechyd y Byd) 2025

Eleni, mae Wythnos Imiwneiddio y Byd yn digwydd rhwng 24 a 30 Ebrill ac rydym yn ymuno â sefydliadau gofal iechyd ledled y byd i ledaenu'r neges bod imiwneiddio i bawb yn ddynol bosib.

Brechlynnau yw un o gyflawniadau mwyaf dynoliaeth. Yn y 50 mlynedd diwethaf yn unig, mae brechlynnau wedi achub bron i 154 miliwn o fywydau - hynny yw mwy na 3 miliwn y flwyddyn neu 6 o bobl bob munud. Rydyn ni’n amcangyfrif bod 94 miliwn o'r bywydau hyn a achubwyd yn ganlyniad i amddiffyniad gan frechlynnau y frech goch.

Yn CTM, ar dymor 2023/24, roedd 95.5% o blant sy'n cyrraedd eu hail ben-blwydd wedi derbyn un dos o MMR. Gweld yr Adroddiad Blynyddol COVER 2024 (ar gael yn Saesneg yn unig).

Dywedodd Philip Daniels, Cyfarwyddwr Gweithredol Iechyd y Cyhoedd: "Mae brechlynnau yn achub bywydau ym mhob oedran - yn ein hamddiffyn trwy gydol plentyndod a bod yn oedolion. Maen nhw wedi ein helpu ni bron i ddileu clefydau fel polio a'r frech goch.

Ond nawr, rydym yn wynebu heriau newydd ac mae'n hanfodol parhau i amddiffyn pawb - fel mam-gu a thad-cu rhag y ffliw, anwyliaid agored i niwed yn erbyn COVID-19, plant rhag y frech goch, a mamau beichiog rhag RSV (feirws syncytiol anadlol)."

Mae angen i ni barhau â'n defnydd rhagorol o imiwneiddiadau plant, yn enwedig MMR yng ngoleuni'r cynnydd mwy diweddar mewn achosion o'r frech goch yn y DU. Hefyd, wrth i’r haf agosáu, nid yw byth yn rhy gynnar i ddechrau meddwl am frechiadau'r gaeaf. Mae paratoi ar gyfer imiwneiddiadau ffliw, COVID-19, ac RSV bellach yn sicrhau ein bod yn cael ein diogelu pan fydd y misoedd oerach yn cyrraedd. Trwy gael ein brechu, rydym nid yn unig yn diogelu ein hiechyd ein hunain ond hefyd yn helpu i amddiffyn cleifion, cydweithwyr ac anwyliaid rhag afiechyd difrifol a allai.

I gael rhagor o wybodaeth am imiwneiddio a brechlynnau, gan gynnwys y brechlynnau rydym yn cynnig yn CTM, ewch i'n tudalen we.

Ar hyn o bryd rydym yn gweithio trwy raglen frechu COVID-19 y Gwanwyn. Mae pob person cymwys wedi bod yn derbyn gwahoddiadau ar gyfer eu brechlyn COVID-19 yn y Gwanwyn yn un o'n chwe Chanolfan Brechu Gymunedol (CVCs). Mwy o wybodaeth.

Gweithgareddau Wythnos Imiwneiddio y Byd

Bydd ein timau Brechu yn cynnal stondinau gwybodaeth yn ystod yr wythnos yn y lleoliadau canlynol:

24 Ebrill (10am – 1pm) – Ysbyty Tywysoges Cymru y tu allan i'r fferyllfa

25 Ebrill (1.30 – 4.30pm) – Mynedfa flaen Ysbyty Brenhinol Morgannwg

Os ydych chi'n ymweld ag un o'n safleoedd ysbyty, sgwrsiwch gyda'n harbenigwyr a gofynnwch unrhyw gwestiynau sydd gennych.

23/04/2025