Wythnos Genedlaethol Ymwybyddiaeth Gordewdra: Prosiect PIPYN CTM

Wedi’i lansio ym mis Ebrill 2023, dechreuodd  Rhaglen PIPYN fel rhaglen beilot ym Merthyr Tudful, gan helpu i hyrwyddo ffyrdd iach o fyw ac i gefnogi plant a theuluoedd i fyw bywydau iachach a mwy actif. 

Bellach yn rhedeg ym Merthyr Tudful, Rhondda a Thaf Elái, mae'r tîm PIPYN yn gweithio gyda phlant rhwng 3 a 7 oed gan helpu eu teuluoedd i gael cymorth am ddim a gwybodaeth sy'n cynnwys bwyta'n iach, bwyta ffyslyd,  cynnwys plant mewn amser bwyd, awgrymiadau ar gyfer rheoli amser sgrin, arferion cysgu, goginio ar gyllideb, sgiliau coginio a llawer mwy.

Dros y flwyddyn ddiwethaf, mae rhaglen PIPYN wedi bod yn llwyddiant enfawr, gan weithio gyda dros 250 o deuluoedd a chyflwyno dros 400 o sesiynau.

Mae'r defnyddwyr gwasanaeth wedi gweld PIPYN yn hynod ddefnyddiol. 

Dywedodd un rhiant “Mae'r sesiynau hyn wedi bod yn anhygoel o ran sut mae [fy merch] yn meddwl am fwyd…beth sy'n mynd i mewn i bryd o fwyd. Allwn i ddim rhoi’r un profiad hwnnw.”

Dywedodd rhiant arall: “Rydyn ni wedi bod yn dod i PIPYN bob wythnos…ac rydyn ni wedi caru pob munud ohono. Mae [fy merch] wrth ei bodd yn coginio a rhoi cynnig ar fwydydd newydd, sydd wedi bod yn help enfawr i mi.”

Dywedodd Lisa Sheehan, Ymarferydd Cynorthwyol Dieteg, “Rydym wrth ein bodd bod PIPYN wedi bod mor llwyddiannus. Mae PIPYN yn cydweithio â phartneriaid lleol i gynnig cymorth wedi’i deilwra, am ddim i’n teuluoedd.  Mae'r sesiynau a’r adnoddau yn rhoi'r offer iddyn nhw wneud newidiadau cadarnhaol.  Rydyn ni'n cael llawer o adborth bod y plant yn ei fwynhau ond hefyd sut mae'r rhieni/gofalwyr wir yn gwerthfawrogi treulio'r amser hwn fel teulu, yn dysgu a chael hwyl gyda'i gilydd. 

Mae’n amlwg o’r adborth a’r tystebau gan rieni a defnyddwyr gwasanaethau bod y cymorth, y wybodaeth a’r sesiynau rhad ac am ddim rydym yn eu darparu yn cael effaith wirioneddol a chadarnhaol iawn ar Gymuned Merthyr, Rhondda a Thaf Elái.” 

Gallwch ddarganfod mwy am y rhaglen PIPYN yma: PIPYN - Bwrdd Iechyd Prifysgol Cwm Taf Morgannwg

Os hoffech wybod mwy am sut y gall eich teulu fanteisio ar y sesiynau teulu rhad ac am ddim hyn, gallwch gofrestru yma: Ffurflen Cofrestru PIPYN

Gallwch gysylltu â thîm PIPYN drwy ffonio 01685 351293 

neu e-bostio: CTM.PIPYN@wales.nhs.uk

Gallwch hefyd ddarganfod beth mae tîm PIPYN wedi bod yn ei wneud trwy ymweld âFacebook Merthyr PIPYNneuFacebook PIPYN Rhondda a Taff Ely.

14/01/2025