Wythnos Diogelu 2026: Ein Helpu ni i Gadw Pobl yn Ddiogel Bob Dydd
Mae Wythnos Diogelu yn dychwelyd rhwng 9-13 Tachwedd 2026, gan roi cyfle i gydweithwyr ar draws Cwm Taf Morgannwg gryfhau eu gwybodaeth, cynyddu hyder, a dysgu mwy am amddiffyn plant, pobl ifanc ac oedolion sydd mewn perygl. Mae'r wythnos yn cynnwys amrywiaeth o sesiynau dysgu rhithwir, gweithgareddau codi ymwybyddiaeth a digwyddiadau galw heibio sy'n ymdrin â materion diogelu allweddol sy'n effeithio ar ein cymunedau.
Prif themâu eleni
Bydd y sesiynau'n canolbwyntio ar ystod eang o bynciau diogelu, gan gynnwys:
- Cam-drin Rhywiol ar Blant a Chamfanteisio Rhywiol ar Blant
- Cam-drin Domestig a'r broses DASH/MARAC
- Caethwasiaeth Fodern a Chamfanteisio Oedolion
- Hunanesgeulustod a Galluedd Meddyliol
- Anffurfio Organau Cenhedlu Benywod (FGM)
- Plant sy’n Derbyn Gofal
- Celcio a Chwilfrydedd Proffesiynol
- Hyfforddiant Prevent, Radicaleiddio a Chamfanteisio Troseddol
- Diogelu mewn Nyrsio Cymunedol, Tai Cymdeithasol a Fferylliaeth Gymunedol
- Cefnogi unigolion LHDT+ sy'n profi camdriniaeth a niwed
- Anafiadau corfforol mewn plant a phryderon diogelu
- Camymddwyn rhywiol yn y gweithle
Cymerwch ran
Ynghyd â chyfleoedd dysgu ar-lein, bydd timau diogelu yn cynnal stondinau ymwybyddiaeth rhyngweithiol yn:
- Ysbyty Tywysoges Cymru
- Ysbyty Brenhinol Morgannwg
- Ysbyty’r Tywysog Siarl
Gall cydweithwyr hefyd gwrdd â thimau arbenigol, gan gynnwys Cynghorwyr Annibynnol ar Drais Domestig (IDVAs), i ddysgu mwy am y cymorth sydd ar gael i gleifion a sut i gael mynediad ato.
Sesiynau i'r holl staff
Mae llawer o ddigwyddiadau ar agor i bob grŵp staff, sy’n golygu bod hon yn gyfle gwych i:
- Adnewyddu gwybodaeth am ddiogelu
- Dysgu gan arbenigwyr pwnc
- Datblygu hyder wrth nodi pryderon
- Deall llwybrau atgyfeirio a gwasanaethau cymorth
- Cryfhau arferion gweithio amlasiantaeth
22/10/2026