Unite yn gwrthod cynnig y bwrdd iechyd i ddod â streic i ben

Rydym yn siomedig bod Unite wedi gwrthod cynnig y bwrdd iechyd a fyddai wedi dod â streic hirfaith rhai o'n hymwelwyr iechyd i ben.

Gwrthodwyd y cynnig o daliad untro o fwy na £5,000 ar gyfer pob ymwelydd iechyd BIPCTM gan Unite ac ymwelwyr iechyd oedd ar streic heddiw. Byddai'r taliad hwn wedi bod yn ychwanegol at y cyflog blynyddol Band 6 cyfredol y mae ymwelwyr iechyd yn ei dderbyn, sef hyd at £48,117.

Dydyn ni ddim yn credu bod Unite wedi gweithredu er budd gorau ein hymwelwyr iechyd nac er budd gorau mamau, tadau a phlant ifanc sy'n dibynnu ar y gwasanaeth ymwelwyr iechyd.

Tra byddwn yn ystyried y camau nesaf, bydd ein cydweithwyr sy'n gweithio yn y Gwasanaeth Ymwelwyr Iechyd, Nyrsio a Bydwreigiaeth yn parhau i weithio'n galed ac yn hyblyg i gynnal gwasanaethau hanfodol. Rydym yn parhau i fod yn hynod ddiolchgar iddynt ac i deuluoedd am eu dealltwriaeth barhaus.

Rydym yn gwybod y bydd y cydweithwyr hyn hefyd yn hynod siomedig gan wrthod y cynnig hwn gan Unite ac ymwelwyr iechyd sydd ar streic, sy'n cynrychioli dewis i barhau i roi pwysau gormodol ar staff, gwasanaethau a rhai o'r teuluoedd mwyaf agored i niwed yn CTM.

25/08/2026