Pasbort Gofalwyr newydd yn cael ei lansio i gefnogi gofalwyr di-dâl ar draws CTM

Mae Bwrdd Iechyd Prifysgol Cwm Taf Morgannwg wedi lansio Pasbort Gofalwyr newydd i helpu i gydnabod a chefnogi gofalwyr di-dâl sy'n chwarae rhan hanfodol wrth ofalu am aelodau'r teulu, ffrindiau ac anwyliaid.

Nod y Pasbort yw gwella profiad gofalwyr wrth gael mynediad at wasanaethau gofal iechyd drwy helpu staff i nodi a chefnogi gofalwyr yn briodol, gan gydnabod y cyfraniad gwerthfawr maen nhw'n ei wneud at ofal a lles cleifion.

Mae'r lansiad yn rhan o raglen waith ehangach i sicrhau bod gofalwyr di-dâl yn teimlo eu bod yn cael gwybodaeth, cefnogaeth a chyfle i gymryd rhan drwy gydol taith gofal iechyd y claf.

I ddathlu'r lansiad, mae'r bwrdd iechyd yn cynnal Caffi i Ofalwyr ddydd Mercher 2 Medi o 2pm i 4pm yn y bwyty yn Ysbyty Brenhinol Morgannwg. Rydym yn bwriadu cynnal y digwyddiadau hyn bob tri mis, gan gylchdroi rhwng ein gwahanol safleoedd ysbyty.

Mae'r digwyddiad ar agor i ofalwyr di-dâl, cleifion, ymwelwyr, staff ac aelodau'r cyhoedd sy'n ymweld â'r safle. Bydd cyfle i’r rhai sy’n mynychu siarad ag amrywiaeth o sefydliadau a gwasanaethau sy’n cynnig cyngor, gwybodaeth a chefnogaeth i ofalwyr.

Dywedodd David Watkins, Arweinydd Gofalwyr Corfforaethol:

"Mae gofalwyr yn darparu cefnogaeth amhrisiadwy bob dydd ac yn aml yn rhoi anghenion eraill o flaen eu hanghenion eu hunain." Mae Pasbort Gofalwyr yn un ffordd y gallwn ni helpu i sicrhau bod gofalwyr yn teimlo eu bod nhw'n cael eu cydnabod, eu gwerthfawrogi a'u cefnogi pan fyddan nhw'n defnyddio ein gwasanaethau."

Gwyliwch David, ein Harweinydd Gofalwyr Corfforaethol, yn esbonio mwy yn y fideo isod:

01/09/2026