Mae Bwrdd Iechyd Prifysgol Cwm Taf Morgannwg wedi penodi Aelod Annibynnol (Cyfreithiol) newydd Helen Lentle.
Ymgymerodd Helen â gradd yn y gyfraith ym Mhrifysgol De Montfort a chymhwyso fel Cyfreithiwr yn 1991. Mae ganddi MBA (Rhagoriaeth) o Brifysgol Metropolitan Caerdydd, tystysgrif (ILM Lefel 7) mewn Hyfforddi Gweithredol a Mentora o Brifysgol De Cymru ac mae wedi ymgymryd â datblygu arweinyddiaeth ym Mhrifysgol Harvard.
Helen oedd Cyfarwyddwr Gwasanaethau Cyfreithiol Llywodraeth Cymru, mae hi wedi cael gyrfa gyfreithiol 30 mlynedd sydd wedi bod yn bennaf yn y sector cyhoeddus yng Nghymru. Cyn hynny bu’n gweithio i ddau awdurdod lleol mawr yng Nghymru ac mae ganddi ddiddordeb gwirioneddol mewn darpariaeth yn y sector cyhoeddus ac mae’n credu yn y gwahaniaeth gwirioneddol y gall cyngor cyfreithiol cadarn a phragmatig ei wneud i gyflenwi gwasanaethau cyhoeddus. Mae Helen wedi ymddeol o'r Gwasanaeth Sifil ddiwedd mis Rhagfyr.
Mae rôl Cyfarwyddwr Cyfreithiol Helen wedi golygu ei bod yn arwain y practis cyfreithiol sector cyhoeddus mwyaf yng Nghymru a hi oedd Pennaeth y Proffesiwn Cyfreithiol o fewn Gwasanaeth Sifil Llywodraeth Cymru. Roedd hi hefyd yn aelod o Bwyllgor Gweithredol a Bwrdd Gwasanaeth Sifil Llywodraeth Cymru, yn aelod o’r Grŵp Llywio Amrywiaeth a Chynhwysiant ac yn Hyrwyddwr Amrywiaeth ar gyfer Swyddfa’r Prif Weinidog. Roedd yn gynghreiriad i Rwydwaith Staff LHDTC+ Llywodraeth Cymru.
Mae Helen yn hyfforddwr gweithredol a mentor hyfforddedig ac mae wedi cefnogi gweithwyr trwy hyfforddi a mentora ar draws y sector cyhoeddus ehangach yng Nghymru a’r Gwasanaeth Sifil ers blynyddoedd lawer. Ar hyn o bryd, mae Helen yn ymddiriedolwr elusen dyslecsia yng Nghymru yn ogystal ag elusen genedlaethol sy’n cefnogi cyn-lowyr sy’n ceisio cael gwared ar anfantais a achosir gan amddifadedd.
Cafodd Helen ei geni yn Abertyleri yng Ngwent ac mae bellach yn byw ym Mynwent y Crynwyr ym Merthyr Tudful, mae hi wrth ei bodd yn teithio gyda’i gŵr ac yn gogydd a darllenydd brwd.
Meddai Helen: “Rwyf wrth fy modd fy mod wedi cael fy mhenodi i swydd Aelod Annibynnol (Cyfreithiol) o fewn y Bwrdd Iechyd ac rwy’n edrych ymlaen at ddechrau yn gynnar ym mis Ionawr a chwrdd â’r timau”.
27/11/2023