Llwyddiant i Bwrdd Iechyd Prifysgol Cwm Taf Morgannwg yng Ngwobrau GIG Cymru 2026
Mae Bwrdd Iechyd Prifysgol Cwm Taf Morgannwg yn dathlu llwyddiant yng Ngwobrau GIG Cymru 2026, gyda thîm yn cael ei gydnabod am ei gyfraniad at wella gwasanaethau, profiadau a chanlyniadau i bobl ledled Cymru.
Wedi'i gynnal gan Berfformiad a Gwella GIG Cymru, mae Gwobrau GIG Cymru yn arddangos prosiectau a thimau sy'n sbarduno gwelliannau mewn ansawdd, diogelwch a pherfformiad ar draws gwasanaethau iechyd a gofal yng Nghymru.
Prosiect gwobrwyedig
Gwobr Gofal sy’n Canolbwyntio ar yr Unigolyn GIG Cymru
O Oroesi i Adferiad: Llwybr Gofal Critigol sy'n Canolbwyntio ar y Claf ac wedi'i Gyd-gynhyrchu ac sy'n Ystyriol o Drawma
Gan gyflwyno methodoleg Cynllunio-Gwneud-Astudio-Gweithredu a ddatblygwyd dros sawl blwyddyn, dangosodd y tîm ei ailgynllunio llwybr cyfan a oedd wedi'i gyd-gynhyrchu gyda chleifion, teuluoedd a staff i drawsnewid model cleifion allanol adweithiol, yn fodel llwybr cyfan rhagweithiol, a'r effaith a'r canlyniadau a gafodd hyn ar gleifion a'u teuluoedd.
Wrth sôn am ei gyflawniad, dywedodd y tîm: “Rydym wrth ein bodd bod y gwaith hwn wedi cael ei gydnabod ar lefel genedlaethol.
"Mae'r cyflawniad yn adlewyrchu ymrwymiad a chreadigrwydd y tîm i gydweithio â chleifion, teuluoedd a chydweithwyr ar draws gwasanaethau gofal critigol, a helpodd ni i ail-ddychmygu sut y gellid darparu cymorth seicolegol.
"Gobeithiwn y bydd y gwersi a ddysgwyd o'r gwaith hwn yn parhau i lywio datblygiad gwasanaethau yn y dyfodol, yn ogystal â gofal seicolegol i bobl sy'n gwella ar ôl salwch difrifol.”
Daeth cynrychiolwyr o bob cwr o GIG Cymru ynghyd mewn digwyddiad dathlu arbennig yng Nghaerdydd ddydd Iau 12 Tachwedd i ddathlu rhagoriaeth, cyfnewid syniadau drwy farchnad posteri’r rhai a gyrhaeddodd y rownd derfynol ac amlygu sut y gellir lledaenu ac ehangu arloesiadau llwyddiannus er budd pobl a gwasanaethau ledled Cymru.
Clywodd gwesteion hefyd gan ystod o uwch arweinwyr gan gynnwys:
- Mabon ap Gwynfor, Ysgrifennydd y Cabinet dros Iechyd a Gofal Cymdeithasol
- Jacqueline Totterdell, Cyfarwyddwr Cyffredinol Iechyd a Gwasanaethau Cymdeithasol a Phrif Weithredwr GIG Cymru
- Yr Athro Isabel Oliver, Prif Swyddog Meddygol Cymru
- Y Fonesig Sue Tranka, Prif Swyddog Nyrsio Cymru
Mae Gwobrau GIG Cymru yn parhau i dynnu sylw at y gwaith eithriadol sy'n digwydd ar draws gwasanaethau iechyd a gofal, ac yn dathlu arloesedd, cydweithio a gwelliant parhaus.
Dysgwch ragor am Wobrau GIG Cymru a gweld y rhestr lawn o enillwyr yn gwobraugig.cymru