Helpu i lunio dyfodol gwasanaethau iechyd a lles ym Maesteg a Chwm Llynfi - dygwyddiau ymgysylltu yn eich gymuned
Rydym yn gwahodd preswylwyr ar draws Maesteg a Chwm Llynfi i rannu eu barn ar ddyfodol gwasanaethau iechyd a lles lleol.
Cwblhewch yr arolwg cyhoeddus
Dyma'ch cyfle i rannu eich barn a helpu i lywio cynlluniau ar gyfer ein Canolfan Iechyd a Lles newydd arfaethedig yn Heol Ewenni, yn amodol ar gymeradwyaeth ariannu yn y dyfodol gan Lywodraeth Cymru.
Gallwch hefyd rannu eich syniadau ar gyfer dyfodol safle Ysbyty Cymunedol Maesteg a'i rôl y tu hwnt i ddarparu gwasanaethau uniongyrchol y GIG.
Mae'r arolwg yn gyfle i chi ddweud wrthym beth sydd bwysicaf i chi, i'ch teulu ac i'ch cymuned dros y pum i ddeng mlynedd nesaf. Rydym am glywed eich syniadau, eich cwestiynau a'ch pryderon, yn ogystal â beth yr hoffech ei weld gan wasanaethau lleol yn y dyfodol.
Mae'r arolwg yn gofyn am:
- Fynediad at wasanaethau iechyd, gofal a lles lleol
- Y gwasanaethau yr hoffech eu gweld ar gael yn lleol
- Beth fyddai'n gwneud Canolfan Iechyd a Lles newydd yn hawdd ac yn gyfleus i'w defnyddio
- Dyfodol safle Ysbyty Cymunedol Maesteg
- Eich cwestiynau, pryderon a'ch syniadau ar gyfer gwella gwasanaethau lleol
Dygwyddiau ymgysylltu yn eich gymuned
Mae digwyddiadau ymgysylltu â'r gymuned wedi'u cynllunio ar gyfer mis Hydref a mis Tachwedd 2026. Bydd y cyfleoedd ymgysylltu hyn yn galluogi sgyrsiau rhwng trigolion lleol a staff Bwrdd Iechyd Prifysgol Cwm Taf Morgannwg, gan roi cyfle i chi ofyn cwestiynau a rhannu eich barn yn bersonol.
I weld y calendr o ddigwyddiadau, gyda lleoliadau, ac amseroedd, ewch i wefan Dyfodol Iach Maesteg yma: Dyfodol Iach Maesteg. Bydd y manylion hyn yn cael eu diweddaru'n rheolaidd wrth i ddigwyddiadau newydd gael eu cadarnhau, felly parhewch i gadw llygad allan am y wybodaeth ddiweddaraf. Gallwch hefyd ddod o hyd i'r wybodaeth hon ar ein tudalennau cyfryngau cymdeithasol.
Rydym am glywed gan yr ystod ehangaf bosibl o leisiau ar draws Maesteg a Chwm Llynfi; felly, rhannwch y wybodaeth hon gyda'ch teulu, eich ffrindiau a'ch rhwydweithiau ehangach er mwyn i gynifer o bobl â phosibl allu cymryd rhan.
Datblygu Cymunedau Iachach Gyda'n Gilydd
01/10/2026