Canolfannau brechu cymunedol Llantrisant a Merthyr Tudful yn cau dros dro oherwydd etholiadau lleol

Bydd dwy o ganolfannau brechu cymunedol y Bwrdd Iechyd yn cau ddydd Iau a dydd Gwener yma (5 a 6 Mai) oherwydd yr etholiadau lleol.

Bydd y ganolfan yn Llantrisant (Canolfan Hamdden Llantrisant) a’r ganolfan ym Merthyr Tudful (Canolfan Hamdden Merthyr Tudful) yn cael eu defnyddio ar gyfer cyfrif yr etholiad.

Mae'n golygu mai'r cyfle olaf i gerdded i mewn am frechlyn fydd dydd Mercher (4 Mai).  Bydd y ddwy ganolfan yn cau am 4.30pm ddydd Mercher ac yn ailagor fel yr arfer ddydd Llun (9 Mai).

Fydd hyn ddim yn effeithio ar ganolfan Pen-y-bont ar Ogwr, a bydd ar agor ddydd Iau a dydd Gwener.

Fodd bynnag, bydd y tair canolfan ar gau y penwythnos hwn (dydd Sadwrn 7 Mai a dydd Sul 8 Mai), a bydd pob un yn dychwelyd i'r arfer ddydd Llun.

Tra bod y canolfannau ar gau, bydd ein timau brechu symudol allan yn y gymuned yn rhoi dos atgyfnerthu’r gwanwyn i’n cleifion sy’n gaeth i’r ty a’n preswylwyr hyn mewn cartrefi gofal.