Sgidiau Symud

Mae sgidiau symud yn cael ei ddisgrifio fel mudiad bywiog sy’n cael ei osod i drawsnewid y ffordd rydym yn gweithio, gyda'r nod o gefnogi timau i fod yn fwy actif trwy lenwi eu gweithleoedd ag egni a symudiad.  Mae pobl sy'n gweithio mewn swyddfeydd yn treulio hyd at 75% o'u horiau gwaith yn eistedd sy'n cynyddu eu risg o amrywiaeth o gyflyrau iechyd gan gynnwys gordewdra, diabetes math 2 a chlefyd cardiofasgwlaidd.

Mae tystiolaeth yn dangos, hyd yn oed os ydych chi'n gwneud ymarfer corff yn rheolaidd, ond yn treulio'r rhan fwyaf o weddill eich diwrnod yn eistedd i lawr, gallwch chi fod mewn perygl o hyd o'r problemau iechyd sy'n gysylltiedig â ffordd o fyw llonydd.

Mae'r arweinwyr sector cyhoeddus sy’n ymwneud â’r mudiad yn credu y gall Sgidiau Symud newid diwylliant gweithleoedd trwy ganiatáu i weithwyr wisgo esgidiau cyfforddus y gallan nhw symud ynddyn nhw’n haws.

Dywedodd y tîm y tu ôl i Sgidiau Symud:

“Mae beth rydyn ni'n ei wisgo yn newid y ffordd rydyn ni'n meddwl ac yn ymddwyn. Mae gwisgo esgidiau cyfforddus yn golygu ein bod yn fwy tebygol o wneud symudiad yn rhan o’n diwrnod drwy gymryd y camau ychwanegol hynny, dewis y grisiau yn lle’r lifft, neu drefnu cyfarfodydd cerdded.” 

Y sefydliadau cyntaf yng Nghymru i ymuno â Sgidiau Symud yng Nghymru yw Gogledd Cymru Actif, Bwrdd Iechyd Prifysgol Caerdydd a’r Fro, Prifysgol Fetropolitan Caerdydd, Cyngor Caerdydd, a Chyngor Bro Morgannwg.  Mae Bwrdd Iechyd Prifysgol Betsi Cadwaladr ar fin lansio Sgidiau Symud.

Daeth y syniad ar gyfer Sgidiau Symud gan Rwydwaith Gyrfaoedd Cynnar Iechyd Cyhoeddus Cymru. Dyma lle mae ymarferwyr iechyd y cyhoedd ledled Cymru yn rhannu arfer da a dysgu mewn sesiynau sbotolau.

Cyflwynodd Alex Wood, Uwch Ymarferydd Iechyd Cyhoeddus o Fwrdd Iechyd Prifysgol Caerdydd a’r Fro, sut y cafodd Sgidiau Symud ei ddarparu’n llwyddiannus yn Nhîm Iechyd Cyhoeddus Lleol Caerdydd a’r Fro a sut y gwnaeth wahaniaeth i iechyd corfforol a meddyliol gweithwyr.

Mynychodd Rachel Reed (Ymarferydd Iechyd Cyhoeddus CTM, Tîm Pwysau Iach) y sesiwn a chredai y gallai hyn gael ei wreiddio yn CTM oherwydd bod Sgidiau Symud yn cyd-fynd â’r Siarter Teithio Iach newydd, a’r Dull System Gyfan ar gyfer Pwysau Iach, sef y meysydd allweddol ar gyfer Tîm Pwysau Iach CTM. Mae Sgidiau Symud hefyd yn cyd-fynd â meysydd ffocws Strategaeth Pwysau Iach Cymru Iach.   Cafodd y syniad ei gyflwyno gan Rachel i’r Platfform Simply Do ac mae’n cael ei lansio ym Mwrdd Iechyd Prifysgol Cwm Taf Morgannwg ym mis Ebrill 2025. I ddarganfod mwy am y tîm Pwysau Iach ewch i: Pwysau Iach - Bwrdd Iechyd Prifysgol Cwm Taf Morgannwg.

I gael rhagor o wybodaeth am Sgidiau Symud ewch i: Sgidiau Symud - Make Your Move | Gwneud Eich Symudiad or gwyliwch y fideo isod gan Fwrdd Iechyd Prifysgol Caerdydd a’r Fro: Sgidiau Symud - Make Your Move | Gwneud Eich Symudiad