Segmenteiddio'r Boblogaeth a Phennu Lefel Risg

Segmenteiddio’r Boblogaeth

Segmenteiddio’r Boblogaeth yw'r broses o rannu poblogaeth yn grwpiau yn seiliedig ar feini prawf a nodwyd i ddiwallu anghenion pob grŵp. Mae Segmenteiddio’r Boblogaeth yn grwpio unigolion yn y boblogaeth sydd â nodweddion tebyg.

Yng Nghwm Taf Morgannwg, caiff y boblogaeth ei grwpio gan ddefnyddio data ar y defnydd o ofal iechyd a chyd-forbidrwydd. Fel y dangosir yn y ffigur isod, mae deg segment unigryw Cwm Taf Morgannwg, sydd wedi’u datblygu’n fewnol gan ddefnyddio setiau data Gofal Sylfaenol ac Eilaidd. Mae rhywfaint o amrywiad o fewn segmentau, gan rwpio 427,000 o gleifion i 10 grŵp yn unig. Mae segmentau'n amrywio'n fras o angen isel heb gyflyrau cronig i'r angen mwyaf yn y rhan fwyaf o leoliadau â sawl cyflwr cronig (gweler y ffigur).

Segmentau Cwm Taf Morgannwg sy'n cael eu gyrru gan ddata

Pennu lefel risg

Mae pennu lefel risg yn grwpio unigolion yn ôl eu risg o brofi digwyddiad andwyol, megis canlyniad iechyd penodol neu eu defnydd o ofal iechyd.  Yn CTM, ein prif ganlyniad o ddiddordeb yw’r risg o dderbyniadau brys i’r ysbyty yn y 12 mis dilynol.

Yn nodweddiadol, mae'r boblogaeth sy'n wynebu'r risg fwyaf fel arfer yn cyfrif am ganran fach o'r boblogaeth gyfan, er enghraifft tua 5%. Mae’r grwpiau risg canolig ac isel yn llawer mwy, er enghraifft gallai 15% o’r boblogaeth gyffredinol fod yn y grŵp risg canolig ac 80% yn y grŵp risg isel, er y gellir rhagddiffinio’r cyfrannau a’u gosod yn ôl y boblogaeth.

Pam fod Segmenteiddio’r Boblogaeth a Phennu lefel risg yn ddefnyddiol?

• Mae Segmenteiddio’r Boblogaeth a Phennu lefel risg (PSRS) yn galluogi gweithwyr iechyd a gofal cymdeithasol proffesiynol i ddeall ein poblogaeth yn well.
• Mae PSRS yn galluogi timau ac adrannau i nodi cleifion y gallai fod angen cymorth ychwanegol arnynt.
• Trwy rannu poblogaeth yn grwpiau llai gallwn ddylunio a gweithredu ymyriadau wedi'u targedu.
• Gall PSRS gefnogi gyda deall gyrwyr cost ar lefel system a chomisiynu gwasanaeth ar lefel lle.