Mae'r rhan fwyaf o bobl yn gweld bod eu tinitws yn ymddangos i dawelu ar ôl iddo ddechrau. Efallai y byddwch chi'n clywed hyn yn cael ei alw'n ymgyfarwyddo (habituation). Dros amser, mae eich ymennydd yn dysgu addasu i'r tinitws a gall ei anwybyddu. Mae tipyn bach fel cerdded i mewn i ystafell gyda ffan swnllyd. I ddechrau, mae'n swnio'n uchel iawn ac yna ar ôl ychydig, rydych chi'n sylwi llai arno. Os yw eich tinitws yn eich poeni, mae yna bethau y gallwch chi eu gwneud i'ch helpu i reoli.
Ymlacio ac Ymwybyddiaeth Ofalgar
Gall lleihau lefelau straen gael effaith gadarnhaol ar y ffordd rydych chi'n rheoli'ch tinitws. Mae anadlu dwfn, ymlacio a myfyrdod wedi'u profi'n glinigol i fod yn ddulliau defnyddiol o gyflawni hyn.
Cyfoethogi Sain
Mae llawer o bobl wedi canfod bod defnyddio sain gefndir yn eu helpu – gall hyn fod yn radio, teledu, cerddoriaeth, seiniau naturiol, neu hyd yn oed sŵn gwyn. Mae apiau y gallwch eu lawrlwytho ar eich ffôn clyfar ar gyfer hyn fel: Tinnitus Relief App by ReSound | ReSound UK
Dim ffôn clyfar gyda chi? Dim problem! Gellir prynu generaduron sain trwy gwmnïau fel Connevans ac Amazon. Chwiliwch am 'bedside sound generator.' Fel arall, gallai eich teledu neu radio eich hun weithio i chi.
Cymhorthion clyw
Os oes gennych tinitws a diagnosis o golled clyw, gall cymhorthion clyw eich helpu. Drwy gynyddu eich mynediad at seiniau amgylcheddol, gall hyn helpu i dynnu sylw eich ymennydd oddi wrth y tinitws.
Mae Tinnitus UK yn darparu taflenni hunangymorth sydd ar gael ar-lein a all eich helpu i roi cyngor ar unrhyw un o'r strategaethau sydd wedi cael ei rhestru uchod, ynghyd ag eraill. https://tinnitus.org.uk/