Gwasanaeth Diabetes Pediatrig

Trosolwg o Wasanaeth Diabetes Pediatrig:

Rydym yn dîm amlddisgyblaethol o Nyrsys Arbenigol Clinigol, Ymgynghorwyr Pediatrig, Deietegwyr Arbenigol a Seicolegydd Clinigol sy'n gofalu am blant a phobl ifanc sydd â diagnosis o Ddiabetes. Rydym yn gweithio'n agos i ddarparu gofal arbenigol i blant a phobl ifanc â Diabetes ar draws Bwrdd Iechyd Prifysgol Cwm Taf Morgannwg.

Os ydych yn pryderu bod eich plenty neu blentyn rydych yn ei adnabod yn dangos arwyddion o ddiabetes, ceiswch gymorth a chyngor ar frys gan eich meddyg teulu neu NHS 111. Os yw’r symptomau’n gwaethygu neu os yw’r plentyn yn ymddangos yn ddifrifol wael ar frys, ceisiwch gymorth gan eich Adran Ddamweiniau ac Achosion Brys (A&E) leol. Gall arwyddion a symptomau Diabetes Math 1 a Math 2 fod yn debyg. Os caiff plentyn neu berson ifanc ddiagnosis o ddiabetes, byddant yn cael ei gyfeiro at ein Gwasanaeth Diabetes Paediatrig er mwyn derbyn gofal parhaus.

Poster Ymgyrch Diabetes UK 4 Ts ar gyfer Canfod Arwyddion Diabetes Math 1: https://www.diabetes.org.uk/about-diabetes/type-1-diabetes/symptoms

4T o Diabetes Math 1 / Arwyddion o Diabetes Math 1

Ar gyfer ymholiadau nad ydyn nhw’n rhai brys i Dîm Diabetes Cwm Taf Morgannwg, cysylltwch â Nyrs Arbenigol Diabetes Pediatrig lleol eich plentyn neu e-bostiwch CTM.PaediatricDiabetes@wales.nhs.uk. Os oes gennych unrhyw ymholiadau brys, cysylltwch â’ch Ward Plant leol.

Gwasanaethau sy'n cael eu cynnig: Clinigau Tîm Amlddisgyblaethol: Cynnal clinigau dilynol rheolaidd gyda'r Ymgynghorydd Diabetes Paediatrig, Nyrs Diabetes Arbenigol Paediatrig, Deietegydd Diabetes Arbenigol Paediatrig a Seicolegydd Clinigol Paediatrig ar gyfer Diabetes o leiaf 4 gwaith y flwyddyn i gefnogi rheoli diabetes. Cynhelir profion HbA1c ym mhob apwyntiad gan ddefnyddio sampl gwaed pigiad bys, i roi darlleniad cyfartalog ar gyfer rheoli glwcos dros (tua) y 3 mis diwethaf.

Clinigau a Arweinir gan Nyrs/Clinigau Deieteg Nyrsio: Apwyntiad gyda’r Nyrs Arbenigol a/neu Ddietegydd Arbenigol ar gyfer cymorth ychwanegol gyda rheoli diabetes, cynlluniau triniaeth, cychwyn offer newydd neu bympiau inswlin a sesiynau cyfrif carbohydradau pan fo angen.

Adolygiadau Blynyddol: Yn digwydd unwaith y flwyddyn gyda'r tîm amlddisgyblaethol i adolygu pob agwedd ar reoli diabetes. Bydd hyn yn cynnwys profion blynyddol o waed ac wrin.

Atgyfeiriad at Sgrinio Retinopathi: Fel rhan bwysig o reoli diabetes, bydd pob plentyn a pherson ifanc dros 12 oed yn cael llun digidol o'u llygaid wedi'i dynnu gan wasanaeth Sgrinio Llygaid Diabetig Cymru. Mae plant dan 12 oed yn cael eu cynghori i gael prawf llygaid gan optegydd lleol.

Gwasanaeth Seicoleg: Fel rhan o'n tîm diabetes, mae ein Seicolegydd Clinigol ar gael i siarad â phlant, pobl ifanc a'u teuluoedd fel rhan arferol o ofal diabetes i gynnig cymorth gyda rheoli diabetes yn ddyddiol.

Cymorth Iechyd Meddwl Brys:

Os ydych yn pryderu am blentyn neu berson ifanc mewn argyfwng iechyd meddwl neu mewn perygl o niwed oherwydd eu hiechyd meddwl, cysylltwch â meddyg teulu neu ewch i adran damweiniau ac achosion brys lleol.

Gwasanaethau Cymorth Iechyd Meddwl:

Kooth: http://www.kooth.com/

Young Minds: https://www.youngminds.org.uk/ Llinell Gymorth i rieni: 0808 802 5544, Dydd Llun - Dydd Gwener 9:30yb - 4:00yp.

Camau’r Cymoedd: https://valleyssteps.org/

MIND: https://ctmmind.org.uk/mental-health-prevention/counselling

Y Samariaid: Ffoniwch 116 123 (llinell gymorth 24 awr)

Adolygiadau Rhithwir ac Anghysbell: O fewn gofal diabetes, mae'n bosibl uwchlwytho data yn awtomatig neu â llaw o fesuryddion glwcos yn y gwaed, pympiau inswlin ac apiau cyngor bolws, y gellir eu hanfon at y tîm diabetes. Mae hyn yn ein galluogi i adolygu canlyniadau plentyn neu berson ifanc a gwneud newidiadau yn ôl yr angen, heb iddyn nhw orfod mynychu apwyntiad clinig.

Trawsnewid i Wasanaethau Oedolion: Bydd y Tîm Diabetes Paediatrig yn cefnogi trosglwyddiad pob person ifanc i Wasanaethau Diabetes Oedolion tua'u pen-blwydd 18 oed. Fel rhan o hyn mae cynllun gofal 2 flynedd sy'n dechrau tua 16 oed wrth baratoi ar gyfer bod yn oedolyn, gan gynnwys rhaglen addysg o'r enw Seren Connect a chlinigau ar y cyd gyda'r tîm diabetes oedolion.

Hyfforddiant Ysgol: Rydym yn darparu hyfforddiant diabetes i staff ysgol i sicrhau bod holl blant a phobl ifanc ardal Cwm Taf Morgannwg yn cael y cymorth cywir i reoli eu diabetes tra yn yr ysgol.

Adolygiadau Cleifion Mewnol: Rydym yn darparu addysg a chymorth i deuluoedd ar adeg diagnosis pan rydyn nhw'n cael eu derbyn i ward y plant. Rydym hefyd yn adolygu plant a phobl ifanc os ydyn nhw byth yn cael eu derbyn i'r ward plant ar ôl diagnosis. Rydym yn darparu addysg a chymorth i deuluoedd ar adeg diagnosis pan rydyn nhw'n cael eu derbyn i ward y plant. Rydym hefyd yn adolygu plant a phobl ifanc os ydyn nhw byth yn cael eu derbyn i'r ward plant ar ôl diagnosis.

Llythyrau: Gallwn ddarparu llythyrau cefnogi, fel ar gyfer ceisiadau Teithio a Lwfans Byw i'r Anabl/Taliadau Annibyniaeth Bersonol

Gwasanaeth Pwmp Inswlin

Gwasanaeth pwmp inswlin: Rydym yn cefnogi plant a phobl ifanc i gael mynediad at therapi pwmp inswlin a chychwyn y defnydd ohono, gan gynnwys Pympiau Dolen Caeedig Hybrid.

Sylwch: Rydym yn cynghori pe bai gennych broblem gyda'ch pwmp neu gyflenwadau inswlin, neu os oes gennych ymholiad technegol ynghylch eich dyfais, cysylltwch â'r cwmni pwmp priodol i gael cymorth

Manylion Cyswllt y Tîm Diabetes a Chwmnïau Offer

Cyfeiriad e-bost cyffredin y Tîm (ymholiadau nad ydyn nhw’n rhai brys yn unig): CTM.Paediatricdiabetes@wales.nhs.uk
Cynnyrch Medtronic / Cefnogaeth Dechnegol: 01923 205167
Llinell Gofal Cwsmer Freestyle Libre: 0800 170 1177
Cymorth Monitro Glwcos Gwaed Accu Chek: 0800 701 000 / *020 3499 6159 (*rhif cyswllt os yw dramor am gyfnod byr)
Ymholiadau Cwsmeriaid Dexcom: 0800 031 5761
Cymorth Technegol Dexcom: 0800 031 5763
Gofal Cwsmer Insulet Omnipod: 0800 011 6132
Gofal Cwsmer Novo Nordisk (Novopen ac Inswlinau): 0800 023 2573
Gofal Cwsmer Nipro (Cynhyrchion 4SURE): 0800 08 588 08 neu e-bostiwch diagnostics-uk@nipro-group.com
Gofal Cwsmer GlucoRX (Mesuryddion HCT): 0800 007 5892 neu e-bostiwch info@glucorx.co.uk
DESW (Sgrinio Llygaid Diabetig Cymru): 0300 003 0500
Ypsomed (Mylife): 0344 856 7820 or email info@ypsomed.co.uk

Grwpiau Cymorth Cyfoedion Lleol i Fwrdd Iechyd Prifysgol Cwm Taf Morgannwg

Grŵp Facebook Diabetic Dragons: Diabetic Dragons Cwm Taf Morgannwg
Grŵp Facebook Type-1-derful: Type-1-derful
Poster Grŵp Cymorth Dreigiau Diabetig

Adnoddau a Dolenni Defnyddiol

Gwefan Digibete: https://www.digibete.org/
Diabetes UK: https://www.diabetes.org.uk/
Breakthrough T1D (JDRF gynt): Breakthrough T1D UK | Type 1 Diabetes Research
Rhwydwaith Diabetes Plant a Phobl Ifanc Cymru: https://www.cypdiabetesnetwork.nhs.uk/wales/
Taflenni Rheolau Hypo a Diwrnod Salwch: https://www.cypdiabetesnetwork.nhs.uk/wales/seren-sick-day-rules-hypo-sheets/
Medtronic: https://www.medtronic.com/uk-en/index.html
Fideos Medtronic: https://www.youtube.com/user/medtronicdiabetes
Freestyle Libre: Home | FreeStyle Libre | Abbott
Dexcom: Dexcom Continuous Glucose Monitoring | Dexcom CGM
Insulet Omnipod: About Insulet | Insulin Pump Therapy | Omnipod
Fideos Insulet: https://www.youtube.com/channel/UCgwZ9hRegg6DZXqY4ji60vQ
Accu Chek: Accu-Chek Diabetes Care Management | Accu-Chek.co.uk
Novo Nordisk: Welcome to Novo Nordisk UK - Novo Nordisk A/S
Yspomed (Mylife) https://www.mylife-diabetescare.com/en-GB/
T2Digibete (Type 2 Diabetes) YoungType2

Eisiau dod o hyd i adnoddau a gwybodaeth am ddiabetes sy'n berthnasol i chi? Mae gennym 3 tudalen Padlet o wybodaeth ac adnoddau sydd wedi'u creu ar gyfer: Plant, Pobl Ifanc a'u teuluoedd, staff ysgolion a staff gofal iechyd/wardiau. P'un a oes gennych ddiabetes, plentyn â diabetes, gweithio mewn ysgol sy'n cefnogi plant â diabetes neu'n aelod o staff sy'n gofalu am blant â diabetes yn yr ysbyty - mae tudalen Padlet i chi! Mae pob tudalen yn llawn adnoddau, dolenni a gwefannau defnyddiol a fydd yn eich cyfeirio at ragor o wybodaeth am ddiabetes. Defnyddiwch y cod QR neu'r dolenni isod i gael mynediad at y dudalen Padlet sydd fwyaf perthnasol i chi.