CTM i gynnal Grŵp Cymorth Canser yr Ysgyfaint yn Nowlais

Bydd tîm Clinig y Frest CTM yn cynnal grŵp cymorth misol newydd ar gyfer canser yr ysgyfaint yn Nowlais.  

Bydd y sesiynau yn cael eu cynnal ar ddydd Mawrth olaf pob mis, yng Nghlwb Cymdeithasol Bowlio Guest Memorial, Charlotte Gardens, Dowlais, Merthyr Tudful. CF483LJ. 

Bydd y sesiwn gyntaf yn cael ei chynnal ddydd Mawrth 30 Medi, 10:30am — 12:30pm.  

Bydd y sesiynau'n cynnig te/coffi, a chyfle i bobl gwrdd a chael sgwrs gyda phobl eraill sy'n mynd drwy'r un peth. Bydd tîm canser yr ysgyfaint CTM yno i gefnogi gydag unrhyw gwestiynau.  

Bydd y rhain yn sesiynau galw heibio a does dim angen bwcio.  

Dywedodd Alison Bann, Arbenigwr Nyrs Clinigol Canser yr Ysgyfaint Macmillan “Rydym yn dechrau'r sesiynau hyn i greu lle hamddenol i gefnogi pobl â chanser yr ysgyfaint.” 

Am ragor o wybodaeth, cysylltwch ag Alison Bann, Arbenigwr Nyrs Glinigol Canser yr Ysgyfaint Macmillan:  

Ffôn: 01685726861  

E-bost: alison.bann@wales.nhs.uk