Cwblhau Asesiadau Iechyd Digidol - Cwestiynau Cyffredin

Mae asesiadau iechyd digidol yn asesiadau clinigol a phrofiad sy'n ymwneud yn uniongyrchol â'ch gofal. Gallwch gwblhau'r asesiadau hyn ar-lein, ar eich ffôn, ar bapur neu ar gyfrifiadur. Mae asesiadau iechyd digidol yn ffurflenni sy'n ein helpu i ddeall sut rydych chi'n teimlo. Maen nhw'n caniatáu i chi rannu gwybodaeth am eich symptomau, iechyd corfforol ac ansawdd bywyd rhwng apwyntiadau, gan ein galluogi i ddarparu gwell gofal i chi. Byddwch yn derbyn yr asesiadau ar adegau allweddol yn eich llwybr gofal, fel cyn apwyntiad, ar ôl apwyntiad neu lawdriniaeth, a thra y gallech fod ar restr aros.

Pam fod y Bwrdd Iechyd yn casglu Asesiadau a Phrofiadau Iechyd Clinigol Digidol?

Weithiau mae'n anodd cofio popeth am sut rydych chi wedi bod yn teimlo dros amser. Mae diweddaru ni o gartref yn rheolaidd yn ein helpu i:

Gael darlun clir o'ch iechyd.
Sicrhau bod gennych rôl fwy yn eich gofal iechyd.
Gwella'r triniaethau yn seiliedig ar eich adborth.
Deall sut rydych chi cyn ac ar ôl apwyntiadau.
Eich cynnwys yn fwy yn eich gofal iechyd eich hun.
Dysgu mwy am sut mae triniaethau yn gweithio i chi ac unrhyw sgil effeithiau.
Gwneud gwell penderfyniadau gyda chi am eich gofal.

Trwy rannu eich diweddariadau iechyd, rydych chi'n ein helpu ni i ddarparu'r gofal gorau posibl.

Pryd fydda i'n cael fy Asesiad Iechyd Digidol?

Dyma beth allwch chi ei ddisgwyl pan ddaw'n amser ar gyfer eich asesiad iechyd:

Byddwch yn derbyn e-bost neu neges destun gyda dolen i'r asesiad iechyd yn y Gymraeg a'r Saesneg.
Am 9:30 YB, byddwch yn cael galwad gyda neges llais wedi'i recordio ymlaen llaw yn dweud wrthych am gwblhau eich asesiad iechyd.
Am 9:45 YB, fe gewch neges groeso gyda dolen i'r hysbysiad preifatrwydd a dolen i'r asesiad iechyd.
Os na fyddwch yn dechrau'r asesiad o fewn 24 awr, byddwch yn cael nodyn atgoffa.
Os byddwch yn dechrau ond nid yn gorffen yr asesiad, byddwch yn cael nodyn atgoffa arall.

Dyma beth welwch chi ar y platfform digidol:

Sut mae Asesiadau Iechyd Digidol yn gweithio?: Hysbysiad: Pan ddaw eich asesiad iechyd i fod, byddwn yn anfon neges destun a/neu e-bost atoch yn cynnwys dolen ddigidol.

Dolen Mynediad: Cliciwch ar y ddolen yn y neges oddi wrth "PROMPTLY".

Rhoi Rhif Symudol: Rhowch eich rhif ffôn symudol a chliciwch "nesaf".

Derbyn Cod: Byddwch yn derbyn cod dilysu trwy neges destun.

Mewngofnodi: Rhowch y cod ar eich tabled neu gyfrifiadur a chliciwch "mewngofnodi".

Derbyn Telerau: Derbyn y telerau ac amodau i weld eich asesiadau sydd ar gael.

Cwblhau Asesiad: Dewch o hyd i'r asesiad y mae angen i chi ei gwblhau a chliciwch ar "Cwblhau Asesiad".

Oes modd gweld fy nghanlyniadau ar y system?: Oes, gallwch weld eich holl ymatebion a sgorau yn y gorffennol. Dyma beth welwch chi ar y platfform digidol:

Pa ddyfeisiau y galla i eu defnyddio i gwblhau fy Asesiad Iechyd Digidol?: Gallwch weld a chwblhau eich asesiadau ar unrhyw ddyfais sydd â mynediad i'r rhyngrwyd. Mae dyfeisiau sy'n cael eu defnyddio yn gyffredin yn cynnwys iPad, gliniaduron, neu ffonau symudol. Cliciwch ar y ddolen yn y neges destun neu'r e-bost a anfonwn atoch a mewngofnodwch fel arfer.

Ydw i'n gallu ymddiried yn y neges destun a'r ddolen e-bost?: Gallwch, gallwch ymddiried yn y ddolen yn eich negeseuon testun ac e-byst. Rydyn nhw'n cael eu hanfon gan ein partner, 'Promptly', sy'n bodloni safonau uchaf y GIG ar gyfer diogelu eich gwybodaeth iechyd.

Rydw i'n cael trafferth mewngofnodi i'm Hasesiad Iechyd Digidol?: Os na allwch chi fewngofnodi, efallai bod gennym ni wybodaeth anghywir i chi. Cysylltwch â'ch tîm gofal neu gwiriwch y manylion ar eich llythyr apwyntiad i sicrhau bod gennym ni eich:

Enw

Dyddiad Geni

Côd post

Rhif ffôn Symudol

E-bost

Problemau cyrchu eich Asesiad Iechyd Digidol?: Os gwelwch neges goch yn dweud bod yna broblem gyda'ch asesiad, cysylltwch â'ch tîm clinigol neu e-bostiwch ctm.vbhcoutcomes@wales.nhs.uk.

Pwy fydd yn adolygu fy atebion i'm Hasesiadau Iechyd Digidol?: Bydd eich tîm clinigol yn adolygu eich atebion. Gallwch chi a'ch tîm clinigol weld sut mae'ch atebion yn newid dros amser ac olrhain eich cynnydd.

Pa mor aml fydd angen i mi lenwi'r ffurflen?: Mae hyn yn dibynnu ar eich cyflwr iechyd. Mae’r rhan fwyaf o asesiadau iechyd digidol yn cael eu cynnal cyn apwyntiadau ac ar adegau cytûn ar ôl i chi adael yr ysbyty. Byddwn yn anfon neges destun neu e-bost atoch pan fydd gennych asesiad iechyd digidol newydd i'w gwblhau.

Pa gwestiynau fydd yn cael eu gofyn i mi?: Mae'r cwestiynau'n dibynnu ar eich cyflwr ond gallan nhw gynnwys:

Diagnosis a thriniaeth

Rheoli poen

Symudedd

Symptomau

Ansawdd bywyd

Byw bob dydd

Gweithgareddau cymdeithasol

Lles

Statws gwaith

Cyflyrau meddygol eraill

Beth os oes problem?: Os oes gennych gwestiynau neu broblemau, e-bostiwch: ctm.vbhcoutcomes@wales.nhs.uk Neu siaradwch â'r clinigwr yn eich apwyntiad nesaf.

Beth ddylwn i ei wneud os bydd angen gofal meddygol arna i?: Nid yw'r ffurflen yn disodli gofal meddygol. Ceisiwch gyngor meddygol ar unwaith os ydych chi'n teimlo'n sâl neu'n poeni am eich symptomau. Ffoniwch 999 ar gyfer argyfyngau sy'n bygwth bywyd.

Sut mae fy nata a gwybodaeth yn cael eu trin?: Mae eich atebion yn helpu eich clinigwr i ddeall eich iechyd a chynllunio eich triniaeth. Gellir defnyddio gwybodaeth ddienw i wella gwasanaethau a chefnogi ymchwil. Trwy gyflwyno Asesiad Digidol, rydych chi'n cydsynio i'r defnydd hwn. Mae'r holl reolau preifatrwydd data yn cael eu dilyn, am ragor o wybodaeth cliciwch yma.

Galla i weld yr Asesiad Iechyd Digidol yn Gymraeg?: Gallwch, gallwch ddewis gweld ac ateb yr asesiad yn Gymraeg neu yn Saesneg. Mae baner ar yr ochr dde ar frig y sgrin. Gellir newid hwn i'ch dewis iaith unrhyw bryd.

Beth os bydda i'n gwrthod y telerau ac amodau yn ddamweiniol?: Cysylltwch â'ch tîm clinigol neu e-bostiwch ctm.vbhcoutcomes@wales.nhs.uk i ail-gofrestru.

Ydw i'n gallu optio allan o dderbyn negeseuon testun ac e-byst ar gyfer Asesiadau Iechyd Digidol?

Gallwch, gallwch optio allan unrhyw bryd. I wneud hyn cliciwch ar yr olwyn gocos ar frig y sgrin a chliciwch ar ddad-danysgrifio, fel y gwelir isod:

I ail-ymuno, rhowch wybod i'ch tîm clinigol neu e-bostiwch ctm.vbhcoutcomes@wales.nhs.uk.

Bydd hyn yn effeithio ar unrhyw daliadau a gaf gan y llywodraeth?: Na fydd, nid yw sgorau asesu iechyd digidol yn effeithio ar daliadau'r llywodraeth. Maen nhw'n cael eu defnyddio i ddeall eich iechyd a gwella gwasanaethau gofal iechyd. Ar gyfer pryderon ynghylch taliadau, siaradwch â'ch tîm clinigol neu gynghorydd budd-daliadau.

Beth os bydd angen help arnaf i gwblhau fy Asesiad Iechyd Digidol ar-lein?: Ffoniwch ni ar 07890983296 neu e-bostiwch ctm.vbhcoutcomes@wales.nhs.uk am help.

Beth os dydw i ddim am wneud fy Asesiad Iechyd Digidol ar-lein?: Siaradwch â'ch tîm gofal iechyd am y ffordd orau o'i gwblhau. Byddwn yn eich helpu drwy'r broses.