Wythnos Caru Parciau gyda PIPYN!

25 Gorffennaf i 3 Awst 2025 yw Wythnos Caru Parciau: Dathliad wythnos o hyd sy'n tynnu sylw at y rôl hanfodol y mae mannau gwyrdd yn ei chwarae wrth roi hwb i iechyd a lles trigolion a chymunedau.

Y mis diwethaf, ymunodd tîm PIPYN Merthyr CTM â  Junior Parkrun Merthyr, digwyddiad 2k hwyliog a chyfeillgar am ddim i blant iau (plant 4 i 14 oed).

I ddathlu diwedd Wythnos Caru Parciau, bydd tîm PIPYN Merthyr CTM yn ymuno â Junior Parkrun Merthyr nesaf ar ddydd Sul 3 Awst, 9am, ym Mharc Pentref Hamdden Merthyr.

Dywedodd Shelley Powell, Rheolwr Proffesiynol Deieteg: "Mae PIPYN yn rhaglen sy'n ymroddedig i gefnogi plant (3-7 oed) a'u teuluoedd i gyflawni ymddygiadau iach, trwy sesiynau cymorth teuluol ac mae'r rhaglen wedi'i hymgorffori'n llawn o fewn cynlluniau i adeiladu amgylcheddau iach o amgylch y teulu.

Mae tîm PIPYN yn angerddol am gefnogi mynediad i fannau gwyrdd yn BIP CTM a chodi proffil y parciau anhygoel sydd gennym ar garreg ein drws. Maen nhw’n helpu i ddod â chymunedau at ei gilydd, gan ddarparu cyfleoedd i gysylltu â natur a chynyddu gweithgarwch corfforol. Rydym yn falch iawn o fod wedi partneru â Junior Parkrun Merthyr, ac ni allwn aros am y digwyddiad nesaf."  

I gofrestru ar gyfer Junior Parkrun Merthyr ar ddydd Sul 3 Awst, ewch i: https://www.parkrun.org.uk/register/?section=form&eventName=merthyrleisurevillage-juniors&e=merthyrleisurevillage-juniors

Gallwch ddarganfod mwy am Parkrun a Junior Parkrun yma

Gallwch ddarganfod mwy am Raglen PIPYN CTM yma

25/07/2025