Neidio i'r prif gynnwy

Rhaglen dal-i-fyny ar gyfer brechu plant: mae apwyntiadau galw heibio ar gael 1 – 5 Medi 2025

Dros wyliau'r haf, mae ein gwasanaeth Brechiadau ac Imiwneiddio wedi bod yn gwahodd rhieni pob plentyn oedran ysgol a allai fod wedi methu un o'r brechlynnau canlynol i'w gwahodd i un o'n Canolfannau Brechiadau Cymunedol ar draws CTM: 

 

  • Y Frech Goch, Clwy'r Pennau a Rwbela (MMR) 

Fel arfer, mae’r brechiad hwn yn cael ei rhoi yn 12 mis oed a 3 blynedd a 4 mis oed yn eich meddygfa ac mae'n frechlyn dau ddos. Mae'r brechlyn MMR yn rhoi amddiffyniad rhag y Frech Goch, Clwy'r Pennau a Rwbela. Mae'r frech goch, clwy'r pennau a rwbela yn glefydau heintus iawn sy'n gallu lledaenu'n hawdd rhwng pobl nad ydyn nhw wedi'u brechu. 

 

  • Papilomafirws Dynol (HPV) 

Fel arfer, mae hyn yn cael ei rhoi ym mlwyddyn ysgol 8 (12/13 oed) gan wasanaeth nyrsio'r ysgol. Mae'r brechlyn hwn yn helpu i amddiffyn bechgyn a merched rhag canserau sy'n gysylltiedig â HPV. 

 

  • Grwpiau meningococol A, C, W ac Y (MenACWY) 

Fel arfer, mae’r brechiad hwn yn cael ei roi ym mlwyddyn ysgol 9 (13/14 oed) gan wasanaeth nyrsio'r ysgol. Mae'r brechiad hwn yn darparu amddiffyniad rhag meningitis a septisemia sy’n cael eu hachosi gan bedwar grŵp o facteria meningococol – A, C, W ac Y. 

 

  • Tetanws, Difftheria a Polio (Td/IVP) 

Fel arfer, mae’r brechiad hwn yn cael ei roi ym mlwyddyn ysgol 9 (13/14 oed) gan wasanaeth nyrsio'r ysgol. Mae'r brechiad hwn yn cwblhau'r cwrs 5 dos a fydd yn rhoi amddiffyniad gydol oes i'r rhan fwyaf o bobl yn erbyn tetanws, difftheria a pholio. 

 

Os nad ydych wedi gallu dod i'r apwyntiad a neilltuwyd i chi, ac yn credu bod eich plentyn wedi methu un o'r brechlynnau hyn, gallwch gerdded i mewn i unrhyw un o'n chwe Chanolfan Frechu Gymunedol rhwng 1 a 5 Medi. Gwiriwch y dyddiau ac amseroedd agor: https://bipctm.gig.cymru/cyngor-i-gleifion/imiwneiddio-a-brechlynnau/sut-i-gael-eich-brechiad/  

 

Os oes gennych unrhyw ymholiadau, gallwch siarad â'n gwasanaeth Brechiadau ac Imiwneiddio ar 01685 726464 (dydd Llun i ddydd Gwener, 9am - 5pm) neu anfon e-bost at ctm.vaccinationenquiries@wales.nhs.uk  

Mae rhagor o wybodaeth am y brechiadau hyn a'r heintiau maen nhw’n amddiffyn rhagddynt ar gael ar wefan Iechyd Cyhoeddus Cymru: https://icc.gig.cymru/ 

 

26/08/2025