Paratoi YBM ar gyfer ynni solar: gwaith ar y safle 22 Chwefror – 7 Mawrth 2025

Er mwyn paratoi ar gyfer cyflenwad ynni glân pwrpasol ac annibynnol sy’n cael ei chynhyrchu gan fferm solar newydd Coed-Elái, bydd gwaith yn dechrau ar safle Ysbyty Brenhinol Morgannwg rhwng dydd Sadwrn 22 Chwefror a dydd Gwener 7 Mawrth. Mae'r gwaith wedi'i amserlennu i ddechrau yn ystod hanner tymor mis Chwefror er mwyn tarfu cyn lleied â phosibl. 

Ar ôl ei chwblhau, bydd y fferm solar yn cynhyrchu ynni glân sy'n cael ei allforio i'r ysbyty ac ar ddiwrnodau brig yr haf bydd yr ysbyty cyfan yn cael ei bweru gan ynni solar. Bydd hyn yn cael effaith gadarnhaol sylweddol ar ein hymrwymiadau datgarboneiddio a 'CTM Gwyrdd' a sut y gallwn ddarparu gofal iechyd mewn ffordd gynaliadwy ar gyfer cenedlaethau'r dyfodol. 

Yn ystod y cyfnod hwn, bydd gwaith ar 'ffordd gefn' yr ysbyty (y ffordd sy'n arwain at yr adran damweiniau ac achosion brys) yn digwydd. Mae'r gwaith hwn yn golygu gosod dwy bibell newydd i osod ceblau, a fydd yn rhedeg yn uniongyrchol o safle fferm solar Coed-Elái. 

Sut y bydd hyn yn effeithio ar gleifion, ymwelwyr ac aelodau'r cyhoedd 

Am y pythefnos, y flaenoriaeth fydd cynnal mynediad cerbydau brys i sicrhau bod llif traffig yn cael ei reoli'n ddiogel.  

Bydd gwaith yn cael ei reoli ar draws dau gam fel y disgrifir isod: 

• Dydd Sadwrn 22 Chwefror – dydd Sadwrn 1 Mawrth   

• Dydd Sul 2 Mawrth – Dydd Gwener 7 Mawrth: Bydd y gwaith yn ystod yr wythnos hon yn cael ei wneud mewn dwy adran. 

Yn ogystal, ar benwythnosau 8-9 Mawrth a 15-16 Mawrth, bydd goleuadau traffig o'r gylchfan i brif fynedfa'r ysbyty. 

Osgowch barcio yn yr ardal hon yn ystod y gwaith. Bydd mynediad i gerbydau brys i'r adran damweiniau ac achosion brys yn cael ei flaenoriaethu ac ni fydd yn cael ei effeithio. Sylwch hefyd y gall y dyddiadau hyn newid, yn dibynnu ar gynnydd ar y safle. 

Ar hyn o bryd rydym yn rheoli gostyngiad dros dro mewn lleoedd parcio yn YBM. Rydym yn gwerthfawrogi bod yr aflonyddwch hwn wedi achosi problemau i gleifion ac ymwelwyr ar adegau penodol o'r dydd ac rydym yn gwerthfawrogi eich cydweithrediad a'ch cefnogaeth wrth i ni wneud darnau hanfodol o waith ar draws y safle. Gallwch ein helpu i reoli’r newid hwn – darllenwch y diweddariad parcio diweddaraf.  

14/02/2025