Gwobr am Bartneriaeth Gweithgarwch Anabledd Iechyd

Yn gynharach yn y mis, cyflwynwyd Gwobrau GIG Cymru i'r Bartneriaeth Gweithgarwch Anabledd Iechyd gan Brif Weithredwr GIG Cymru, Judith Paget, am ei chyfraniad at wella iechyd a lles pobl anabl.

Roedd y bartneriaeth yn cynnwys saith bwrdd iechyd Cymru a Chwaraeon Anabledd Cymru, ac mae'n cyfeirio pobl anabl tuag at gyfleoedd chwaraeon a gweithgarwch corfforol gyda chymorth timau datblygu chwaraeon yr awdurdod lleol.

Ei nod yw cynyddu nifer y bobl anabl sy'n gorfforol actif ledled Cymru, yn ogystal â gwella lles trwy leihau'r angen am ymyriadau meddygol.

Cyflwynwyd y wobr i Dylan Aslett, Ymarferydd Gweithgarwch Anabledd Iechyd Bwrdd Iechyd Prifysgol Cwm Taf Morgannwg, ochr yn ochr â chwe chydweithiwr o'r byrddau iechyd eraill. Dywedodd: "Rwy'n ddiolchgar am y gydnabyddiaeth am y bartneriaeth hon ledled Cymru rhwng y GIG, Chwaraeon Anabledd Cymru ac awdurdodau lleol.

"Hoffwn ddiolch i'r holl staff a rheolwyr mewn ffisiotherapi pediatrig sydd wedi fy nghefnogi i hyrwyddo a gwella iechyd unigolion ag anableddau drwy lefelau uwch o weithgarwch ar draws y bwrdd iechyd. Diolch hefyd i'r awdurdodau lleol a Chwaraeon Anabledd Cymru sydd wedi fy nghefnogi yn y rôl."

Trefnu hyfforddiant ar sut y gallwch chi a'ch tîm gyfeirio cleifion i'r Bartneriaeth gyda'r bwriad o'u cael e-bost mwy egnïol: Dylan.aslett@wales.nhs.uk

31/01/2024