Gardd Goffa Covid yn Ysbyty'r Tywysog Siarl i gefnogi staff a'n cymuned

Agorodd Gardd Goffa i'r rhai sydd wedi marw o ganlyniad i bandemig COVID ddoe ar dir Ysbyty'r Tywysog Siarl.  Mae'r ardd wedi'i chynllunio ar ffurf calon ac wedi'i hamlinellu'n felyn ac fe'i crëwyd gan yr artist Siobhan Fitzgerald Grice a'i chefnogi gan yr artist graddedig Shraddha Joshi.

Dywedodd Sioban: "Roedd heddiw'n ddiwrnod arbennig iawn i mi fel Artist Cyhoeddus o Gymru yn nodi agoriad y drydedd Ardd Goffa COVID ym Mwrdd Iechyd Prifysgol Cwm Taf Morgannwg, a gofynnwyd i mi greu dyluniad yn seiliedig ar y galon felen.  Mae'r gerddi hyn yn cyfuno fy nghariad at natur, gweithredu amgylcheddol drwy blannu coed, creu gofod sy'n cefnogi iechyd meddwl pobl a hefyd gardd gymunedol lle gall pobl blannu blodau a chymryd rhan mewn gweithgareddau lles eraill."

Arweiniwyd y seremoni gan Siobhan, a darllenwyd cerddi gan staff yn ogystal ag ymroddiad a gweddi o fendith gan y Prif Gaplan Carolyn Castle.  Roedd amser i fyfyrio ar staff o'r Bwrdd Iechyd yn ogystal â'r prif gontractwyr ar gyfer y gwaith adnewyddu yn Ysbyty'r Tywysog Siarl, Tilbury Douglas, a roddodd amser a deunyddiau i gefnogi datblygiad yr ardd.

Dywedodd Carolyn: "Roeddwn yn ddiolchgar am y cyfle i gynrychioli Caplaniaeth y Bwrdd Iechyd ar achlysur mor deimladwy. Bydd yr ardd yn lle priodol ar gyfer cofio a myfyrio parhaus i'n staff a'r gymuned leol yn ardal Merthyr a Cynon."

Roedd cyfle i'r staff blannu blodau yn yr ardd a phlannu coeden Cherry Blossom yng nghanol yr ardd gan Dave Murphy o Tilbury Douglas.  Roedd coeden Cherry Blossom yn rhywbeth a awgrymodd y staff wrth ymgynghori ynghylch dyluniad yr ardd; mae'r goeden yn cynrychioli harddwch natur -mae'r blossomau'n emosiynol, gan roi teimlad o gariad, ysgafnder a llawenydd-gall y ceirios hefyd ein meithrin gan eu bod yn ffrwyth.

Mae croeso i'r staff blannu blodau yn yr ardd a mynd i fwynhau'r ardd a'r amgylchoedd. Os hoffech blannu blodau yn yr ardd neu os oes gennych unrhyw ymholiadau yn ymwneud â'r lleoliad, anfonwch e-bost at Esyllt George, Cydlynydd Celfyddydau ac Iechyd CTMUHB, e-bostiwch esyllt.george@wales.nhs.uk