Diweddariad ar streic 6 a 7 Chwefror 2023
Fel y cyhoeddwyd gan Lywodraeth Cymru yn gynharach heddiw, ac yn dilyn trafodaethau gydag undebau llafur, bydd saib ar fwyafrif y streicio diwydiannol a gynlluniwyd ar gyfer dydd Llun 6 a nos Fawrth 7 Chwefror 2023.
Bydd aelodau Unite yn parhau gyda streic, gan effeithio ar y gwasanaeth sy'n cael ei ddarparu gan Ymddiriedolaeth Gwasanaethau Ambiwlans Cymru ddydd Llun 6 Chwefror. Bydd gweithredu diwydiannol yn arwain at newid darpariaeth mamolaeth rhwng 6pm ddydd Sul 5 Chwefror 2023 a 6am ddydd Mawrth 7 Chwefror. Er mwyn diogelwch mamau a babanod, nid ydym yn cynnig gwasanaeth yng Nghanolfan Geni Tirion yn ystod y cyfnod hwn o amser. Ar gyfer menywod sy'n cynllunio genedigaeth gartref, byddem yn argymell yn gryf eich bod yn cael mynediad at ofal dan arweiniad bydwreigiaeth o fewn lleoliad ysbyty.
Bydd pob Canolfan Frechu Cymunedol ar gau am y dydd ar gyfer pob apwyntiad imiwneiddio. Mae'r rhai yr effeithiwyd arnynt gan y cau hwn wedi'u hysbysu, eu hapwyntiadau wedi'u canslo, ac apwyntiadau newydd wedi'u hanfon allan.
Er y bydd y gwasanaethau brys yn dal i fod ar gael, rydym yn rhagweld y bydd y galw’n cynyddu a allai arwain at arosiadau hirach nag yr hoffem. Meddyliwch a oes angen i chi ddod i’r Uned Achosion Brys neu os gallwch chi gael gafael ar gyngor neu ofal arall fel eich fferyllfa gymunedol.
I gleifion y mae’r newidiadau hyn yn effeithio’n uniongyrchol arnynt, mae’r Bwrdd Iechyd yn sylweddoli y gallai hyn fod yn rhwystredig ond mae’n gobeithio bod y cyhoedd yn deall yr angen i gadw gwasanaethau’n ddiogel.
Mae’r cyhoedd yn cael eu hannog i:
- Defnyddiwch wefan GIG 111 Cymru i gael cyngor a gwybodaeth iechyd am ddim yn y lle cyntaf sy'n cynnwys gwiriwr symptomau defnyddiol.
- Ystyriwch ddefnyddio fferyllfeydd cymunedol ar gyfer ystod o gyngor iechyd gan gynnwys y Cynllun Anhwylderau Cyffredin . Mae rhestr o fferyllfeydd cymunedol sydd ar gael y tu allan i oriau ar gael yma .
- Stociwch feddyginiaethau presgripsiwn a meddyginiaethau dros y cownter ar gyfer anhwylderau cyffredin i leihau'r risg o fynd yn sâl ar ddiwrnodau streic.
- Sicrhewch fod gennych gyflenwadau cymorth cyntaf digonol os bydd angen i chi roi hunanofal ar gyfer mân anafiadau gartref.
- Byddwch yn arbennig o ofalus yn ystod y tywydd oer i osgoi llithro, baglu a chwympo, a damweiniau ar y ffordd.
- Chwiliwch am deulu, ffrindiau a chymdogion sy'n arbennig o agored i niwed.
Ffoniwch 999 dim ond mewn argyfwng difrifol neu lle mae bywyd yn y fantol i gadw adnoddau gwerthfawr Gwasanaethau Ambiwlans Cymru ar gyfer y rhai sydd eu hangen fwyaf.
Mae’r Bwrdd Iechyd yn parchu hawl cydweithwyr i gymryd rhan mewn neu gefnogi streic gyfreithlon mewn modd heddychlon a diogel, gan werthfawrogi’r rhesymau pam y pleidleisiodd llawer o gydweithwyr o blaid streicio.
Mae’r Bwrdd Iechyd yn diolch i’r holl gleifion, y cyhoedd a chymunedau am eu dealltwriaeth yn y mater hwn a hoffai ddiolch i staff Bwrdd Iechyd Prifysgol Cwm Taf sy’n parhau i weithio’n galed dros eu cleifion a’u cymunedau mewn amgylchiadau heriol iawn.
03/02/2023