Neidio i'r prif gynnwy

Dathlu Dydd Gŵyl Dewi Sant yn BIPCTM

Dydd Gŵyl Dewi Hapus i bawb! 

Ar Ddydd Gŵyl Dewi eleni, rydym yn edrych yn ôl ar ein llwyddiannau dros y 12 mis diwethaf i gynyddu'r defnydd o'r Gymraeg yn CTM a'r profiadau a'r gofal rydyn ni’n eu darparu i'n cleifion. Dyma rhai o’r uchafbwyntiau:  

  • Fe wnaethom gyhoeddi ein taflen fer ar eich hawliau fel cleifion i ddefnyddio’r Gymraeg gyda ni ym Mwrdd Iechyd Prifysgol CTM 

  • Mae dros 200 o aelodau staff wedi cael cymorth gan ein bwrdd iechyd i ddysgu Cymraeg neu i wella eu hyder i ddefnyddio’r Gymraeg am ddim 

  • Rydym wedi cyflwyno canllawiau recriwtio newydd, sy’n golygu bod mwy o’n cleifion Cymraeg eu hiaith yn derbyn gofal yn eu dewis iaith  

  • Mwynhaodd ein timau wythnos wych yn ddiweddarach ar Faes yr Eisteddfod, yn ymgysylltu gyda phobl o'n hardal leol a thu hwnt ar eu hiechyd a'u lles. 

  • Mae ein staff wedi parhau i wneud cyfraniadau di-ri i wreiddio’r Gymraeg ym mhob rhan o’n sefydliad er mwyn gwella gofal a phrofiad cleifion 

Yn ddiweddar, cafodd interniaid Project SEARCH CTM eu gwahodd i Goleg Merthyr i ddysgu mwy am ddiwylliant a chynwysoldeb Cymreig, gan gynnwys y ffigwr symbolaidd Mari Lwyd.  

Rhannodd Owen, intern â chymorth Project SEARCH: “Fe ddysgais i am y Fari Lwyd, hen draddodiad Cymreig sy’n dal i gael ei arfer yng nghefn gwlad Cymru. Roeddwn i'n hoffi bod Phyl wedi dod â'r Fari Lwyd i'r dosbarth a ches i weld sut brofiad yw ei ddefnyddio." 

Ychwanegodd yr Arweinydd Dysgu a Datblygu, Rhian Lewis, “Rydym yn hynod falch o’n partneriaeth gyda Project SEARCH a’r profiadau diwylliannol dylanwadol y mae’n eu rhoi i’n interniaid. Mae’r fenter hon yn amlygu ein hymrwymiad i ddathlu treftadaeth Cymru a hyrwyddo cynhwysiant o fewn ein cymuned gofal iechyd.”  

 Rydym yn gwneud cynnydd mawr tuag at ddod yn fwrdd iechyd dwyieithog, drwy gefnogi ein staff i ddatblygu eu sgiliau, a thrwy annog ein cleifion i ddefnyddio’r Gymraeg pan fyddan nhw’n derbyn triniaeth neu ofal gyda ni.  

Gwyliwch y fideo yma i weld beth mae Cymraeg yn ei olygu i’n staff a’n cleifion.  

Ydych chi neu rywun rydych yn gofalu amdano wedi cael profiad cadarnhaol o ddefnyddio’r Gymraeg yn ein bwrdd iechyd?  

Byddem wrth ein bodd yn clywed eich adborth - bydd yn gwneud cymaint o wahaniaeth i'n staff ac yn ein helpu i barhau i wella. E-bostiwch ni ar CTT_WelshLanguage@wales.nhs.uk.  

28/02/2025