Ailwampio Gardd Synhwyraidd yn Ysbyty Cwm Cynon

Mae'r Ardd Synhwyraidd yn Ysbyty Cwm Cynon wedi cael ei hailwampio yn ddiweddar. Ar ôl cael ei defnyddio ers amser maith fel lle i arddangos placiau coffa, cafodd y tîm yn yr ysbyty roddion i helpu i roi bywyd newydd i'r ardal.

Ar ôl sandio a phaentio meinciau yn yr ardd, roedd staff hefyd wedi plannu blodau a phlanhigion mewn gwelyau wedi eu codi, potiau a basgedi hongian, gan gynnwys lafant a mintys i gynnig arogleuon gwahanol. Maen nhw hefyd wedi ychwanegu tlysau ac addurniadau gan gynnwys melinau gwynt, goleuadau blodyn yr haul LED, goleuadau tylwyth teg, pili-palod addurnol, clychau gwynt a phlaciau addurnol.

Dywedodd Kelly Bright, Uwch Nyrs: “Nawr mae gan gleifion sy'n mynychu ar gyfer clinig ardd synhwyraidd hardd i helpu gyda lles a gorbryder yn ystod apwyntiadau.”

Dywedodd Kristy Jones (teitl): “Gall ymweld ag ysbyty a mynychu apwyntiadau ysgogi gorbryder a straen i lawer o bobl. I ddechrau, bwriad yr ardd synhwyraidd oedd ar gyfer pobl sy'n mynychu adran iechyd meddwl y bobl hŷn. Fodd bynnag, penderfynon ni y dylai'r ardd fod yn fan cyhoeddus, ac yn hygyrch i staff, cleifion, gofalwyr ac unrhyw aelodau o'r cyhoedd yn gyffredinol sy'n cyrchu'r ysbyty.

“Hoffem ddiolch i bawb a weithiodd ar y prosiect gardd synhwyraidd ac a’i cefnogodd, yn enwedig Karen Thomas, Gail Jones, Beverly Davis a Jade Benjamin. Fe wnaeth cymaint o bobl roi eitemau, amser ac arbenigedd i'n helpu ni i wella'r ardd, ac fe wnaeth fy mam ein helpu ni yn garedig, gan nad oedd neb yn y tîm yn gwybod dim am arddio! Mae'r planhigion, y goleuadau a'r addurniadau i gyd yn cyfuno i ddarparu lle synhwyraidd gwych y gall ein cleifion a'n hymwelwyr ei ddefnyddio ar gyfer gorffwys ac ymlacio, ac i gael lle tawel ac ymlaciedig i ddod iddo pan fyddan nhw’n ymweld â'r ysbyty.

Os hoffech ymweld â'r Ardd Synhwyraidd yn Ysbyty Cwm Cynon,  mae ar y coridor ambiwlans gyferbyn â Ward 7.

15/08/2024